ЯҢАЛЫКЛАР
Түбән Шытсу төп мәктәбе укучылары җәйге чорны файдалы үткәрергә тырыша. Агымдагы елда барлыгы 12 бала "Шытсу" авыл хуҗалыгы җәмгыятендә эшкә урнашты. Алар территорияне чистрату, чүп үләннәрен чабу, буяу эшләрен башкаралар. Исән-сау эшләүләрен телибез!
15 июль көнне сәгать 10.00 дә Елыш авылында балалар өчен Сабантуй үткәреләчәк. Рәхим итегез!
Югары Шытсу мәдәният йорты хезмәткәрләре тарафыннан балаларга экскурсия үткәрелде. Балалар табигать кочагында ял иттеләр, кызыклы уеннар уйнадылар. Ахырдан тәмле карбыздан авыз иттеләр.
Югары Шытсу мәдәният йортында җәйге чорда балалар өчен төрле чаралар үтеп тора. Балалар барлык чараларда да актив катнашалар, үзләренең осталыкларын һәм һөнәрләрен күрсәтәләр. Шул рәвешле җәйге каникуллар файдалы һәм кызыклы үтә.
Югары Шытсу мәдәният йортында остаз турында сөйләшү булды. Укучылар актив катнаштылар.
Югары Шытсу мәдәния йортында Гаилә, тугрылык һәм мәхәббәт көне уңаенна чара үткәрелде. Чарада катнашучы гаиләләр җыр җырлауда, төрле кызыклы табышмакларны чишүдә осталыкларын күрсәттеләр. Мәдәни чара бик күңелле үтте, барлык катнашучылар кызыксындыру бүләкләренә лаек булдылар.
Түбән Шытсу авылы мәчетендә газ кертүгә әзерлек эшләре алып барыла. Бүгенге көндә котельный бүлмәсе тиешле таләпләргә туры китерелеп эшләнелә.
Югары Шытсу авылында халык мөрәҗәгате буенча агач киселде. Агач йортка керә торган ут чыбыгына тиеп тора иде. Эшне Саба электр челтәре оешмасы башкарды.
Елыш авылы мәчете территориясендә машиналар кую урыны төзекләндерелә, су агу трубасы куелды, балчык салынып тигезләү эше бара.
11 июнь көнне Югары Шитсуда Сабантуй уза. Барыгызны да чакырабыз!