ЯҢАЛЫКЛАР
Югары Шытсу авылында яшәүче Хайруллиннар хуҗалыгы "Чәчәкле Саба-2024" конкурсында 3 нче урынга лаек булдылар. Чын күңелдән котлыйбыз!
Түбән Шытсу төп мәктәбендә белем көне билгеләп үтелде. Яңа уку елында мәктәптә барлыгы 54 бала белем һәм тәрбия алачак. Тәүге мәртәбә мәктәп ишекләрен 4 бала ачып керде. Укучыларны, әти-әниләрне, укытучыларны "Сабыгаз" оешмасы җитәкчесе Мөхетдинов И.И., "СХП Шытсу" авыл хуҗалыгы җитәкчесе Галлямов Ф.Ф., авыл җирлеге башлыгы котлады.
Түбән Шытсу авылында территория корган агачлардан, чүп үләннәреннән арындырылды.
Түбән Шытсуда арендалы торак төзелеше башланды. ПМК-159 ҖЧҖ фундамент эшләрен башлады.
Түбән Шытсу авыл җирлегендә чүп үләннәрен чабу эше башкарылды.
Мәгариф хезмәткәрләренең август киңәшмәсендә Түбән Шытсу төп мәктәбе ныклап әзерләнгән күргәзмә тәкъдим итте. Күргзәмәдә шулай ук Мөхетдиновлар гаиләсенең кул эшләнмәләре, ирешкән уңышлары күрсәтелде.
Югары Шытсу авылыннан Хайруллиннар гаиләсе үз биләмәләрен кышкы чорда кар сыннары белән бизәсәләр, җәйге чорда матур чәкәкләргә күмәләр. Бик тырыш һәм булдыклы гаилә. Җирлек һәм район күләмендә үткәрелгән конкурсларда актив катнашалар. Бу елны да алар "Чәчәкле Саба" конкурсында катнашырга теләк белдерделәр. Уңышлар телибез!
Елыш авылы зиратында үзара салым хисабына агач кисү эше бара. Эшне «ТрансАгроКорм» оешмасы башкара.
Югары Шытсу авыл китапханәсендә шагыйрьнең 65 еллыгына багышланган "Газинур Морат - серле каләм иясе" исемле әдәби сәгать үткәрелде. Авыл яшьләре актив катнаштылар, шагыйрьнең иҗаты белән таныштылар, әдәби әсәрләрдән өзекләр укыдылар.
Югары Шытсу китапханәсендә якташ язучылар иҗатына багышланган чара үткәрелде. Балалар танылган якташ язучылар иҗаты белән таныштылар, язмаларыннан өзекләр укыдылар.