ЯҢАЛЫКЛАР
Югары Шытсу авыл зираты чүп үләнәреннән арындырылды. Өмәдә авыл халкы бердәм рәвештә катнашты.
Елыш авылында урам концерты булып узды. Балалар катнашында узган концерт тамашачыларга бик ошады. Балалар бик теләп катнаштылар, җырлап һәм биеп күңел ачтылар.
Кичә Байлар Сабасы бистәсендә "ТурникMan - 2024" тартылу буенча ярышлар узды. Ярышлар икенче ел рәттән уздырыла. Баш оештыручы Азат Вәлиуллин һәм турнирның иганәчеләре. Барлыгы 66 кеше катнашты. Иң яшь катнашучы - 5 яшь, иң өлкәне 59 яшь. Йөк белән максималь күтәрелеш 62,5 кг булган. 42 тапкыр максималь тартылу. Катнашучылар арасында Түбән Шытсу авыл җирлеге башлыгы да бар иде, ул үзенең яңартылган категориясендә 2 нче урынны алды.
"Шытсу" ҖЧҖ территориясендә җәйге чорда чисталыкка, матрулыкка зур игътибар бирелә. Төп эшне башкарудан тыш хезмәткәрләр чәчәк утыртып ферма территорияләренә ямь өстиләр.
Бүген Түбән Шытсу авылында үзара салым хисабына юл ремонты башланды. Ремонт күләме 3305 кв.м тәшкил итә. Эшне "Рамазан" ҖЧҖ оешмасы башкара.
Югары Шытсу мәдәният йорты хезмәткәрләре авыл халкы өчен районның тарихи урыннары буйлап экскурсия оештырдылар. "Калатау серләре" исемле туристлык маршруты барысына да бик ошады. Кунаклар-балалар һәм аларның әти-әниләре экскурсиядән канәгать калдылар, оештыручыларга рәхмәт белдерделәр һәм әлеге маршрутка тагын бер кат барырга теләк белдерделәр.
20 июль көнне Елыш авылында балалар Сабантуе булып узды. Елыш авыл клубы тырышлыгы белән үткәрелгән бәйрәм оешкан төстә барды. Программада традицион уеннардан тыш, яңа кызыклы уеннар да кертелгән иде. Балалар белән берлектә олыларда уеннарда актив катнаштылар. Бәйрәм җыр бию, күңелле аралашулар белән үрелеп алып барылды. Барлык катнашучылар бүләкләргә ия булдылар.
"Шытсу АХП "ҖЧҖ" Агроволга "халыкара агросәнәгать күргәзмәсе кысаларында"Агроволга гүзәле" сөтчелек юнәлешендә эре мөгезле терлекләр үрчетү буенча III республика конкурсында сөт юнәлешендәге күрсәткечләр номинациясендә диплом белән бүләкләнде.
Югары Шытсу авыл китапханәсендә "Ромашка-бәйрәм символы" дигән мастер - класс узды. Балалар үз куллары белән кәгазьдән ромашка ясадылар. Бик кызыклы һәм файдалы булды.
Югары Шытсу китапханәсендә балалар өчен чыгарылган журналлар белән танышу чарасы үткәрелде. Балалар бик теләп катнаштылар, яңа журналлар белән таныштылар.