ЯҢАЛЫКЛАР
Олы Шыңар авыл җирлеге командасы мини-футбол буенча район чемпионатында даими катнаша. 16 ноябрь көнне команда Мичән авыл җирлеге командасына каршы уйнады һәм 7:8 исәбенә оттырды.
Кече Шыңар мәдәният йортында " Тату сыйныф серләре" республика конкурсының зона этабы булып узды. Конкурста Югары Симет, Мичән, Тимершык һәм Олы Шыңар урта мәктәпләренең әти-әниләре һәм балалары, гаилә ансамбльләре катнашты. Катнашучылар барсы да яхшы чыгыш ясадылар һәм төрле номинацияләрдә җиңүчеләр булдылар. Олы Шыңар урта мәктәбенең ата-аналар комитеты “Иң креатив сыйныф” номинациясендә җиңүче булды. “Иҗади гаилә “ номинациясендә Олы Шыңардан Загидуллиннар гаиләсе чыгыш ясады.
Олы Шыңар авылында инеш яр буйларын төзекләндерү максатында, су юлларын чистарту, куаклар һәм үсентеләр кисү эшләре башланды. Эшләрне «БарсЭлитСтрой» ААҖ башкара.
Мәктәп каникуллары вакытында Кече Шинар мәдәният йорты, Оет авыл клубы, Олы Шыңар һәм Оет авыл китапханәсе хезмәткәрләре балалар өчен "Җырлап үткән җәй"театраль тамашасын күрсәттеләр. Алар Кече Шинар мәдәният йортында, Яңа Мичән, Югары Симет, Сатыш, Оет авылларында чыгыш ясадылар.
Олы Шыңар авыл җирлегендә Олы Шыңар авылында яшь белгечләр өчен аренда торагы төзелешен тәмамлау эшләре бара. Эшләрне «Идел»ҖЧҖ башкара.
Кече Шыңар мәдәният йорты, Оет авыл клубы, Олы Шыңар һәм Оет авыл китапханәсе хезмәткәрләре Явлаштау авыл мәдәният йортында Олы Шыңар авыл җирлеге һәвәскәр җырчылары катнашында «Җырлыйк, әле!" дигән музыкаль кичә оештырдылар. Җыр жанрын яратучылар, төрле яшьтәге үзешчән сәнгатьнең актив әгъзалары, тамашачылар белән бергә җыр утравына сәяхәт иттеләр. Программа конкурста катнашучылар белән танышудан башланды. Катнашучылар өч турда ярыштылар, халык җырларын һәм "уйла- әле" дигән турда сузтезмәләрдән җырларны танып белделәр. Чара ахырында җиңүчеләргә истәлекле бүләкләр тапшырылды.
Олы Шыңар авылында яшәүче Яруллина Хәбирә Әсәт кызына 2022нче елның 17нче октябрендә 95 яшь тулды. Россия Президенты В.В.Путин һәм Саба муниципаль районы Башлыгы Р.Н.Минниханов исеменнән котлау һәм истәлекле бүләкләрне Саба муниципаль районындагы социаль яклау бүлеге башлыгы Л.Н. Гайнетдинова тапшырды. Котлауларга шулай ук Олы Шыңар авыл җирлеге башлыгы А.Г.Гарипов, “Туган Як” җәмгыяте вәкиле Билалова З.Х. да кушылды.
«Җырлыйк әле!» музыкаль тапшыруының октябрь аенда укытучылар көненә багышланган чыгарылышында Саба районы мәгариф хезмәткәрләре катнашты.
Олы Шыңар авыл җирлегендә үзара салым акчасына Олы Шыңар авылында балалар мәйданчыгы урнаштырылды. Эшләрне «БарсЭлитСтрой» ААҖ башкарды.
Олы Шыңар авылында яшәүче Әхмәтов Рафаил Әхмәт улы һәм Әхмәтова Гөлнур Фәйзрахман кызының бергә яшәүләренә 50 ел тулды. Әхмәтов Рафаил Әхмәт улы –1949нчы елның 20нче августында туган, Әхмәтова Гөлнур Фәйзрахман кызы – 1947нче елның 26нчы сентябрендә туган.