ЯҢАЛЫКЛАР
24 май көнне Югары Симет урта мәктәбендә “Соңгы кыңгырау” бәйрәме үтте. Чыгарылыш сыйныф укучыларын әлеге истәлекле көн белән Саба районы ветеринария берләшмәсе җитәкчесе Ганиев Зөлфәт Рифкат улы, мәгариф идарәсенең программисты Мусин Д.Б., Югары Симет авыл җирлеге башлыгы Ильгизәр Роберт улы Ахмадуллин котлады.
20 май көнне Саба яр буенда фән олимпиадаларында җиңгән һәм призлы урын алган укучыларны район башлыгы Миннеханов Рәис Нургали улы котлады. Шулай ук аларның укытучылары һәм ата-аналары тәбрикләнде. Югары Симет урта мәктәбе Саба районы мәктәпләре арасында 2 урынны алды.
Югары Симет урта мәктәбе җиңел атлетика буенча Саба районы мәктәпләре арасында 1 нче урынны алды.
15 майда Халыкара гаилә көне билгеләп үтелә. Бу бәйрәм хөрмәтенә Югары Симет мәдәният йорты һәм китапханә хезмәткәрләре "Ныклы гаилә-ил терәге" тематик - бәйрәм кичәсе үткәрделәр.
Югары Симет “Ромашка” балалар бакчасы республика күләм икеайлык экологик марафонда актив катнаша. Бакчада балаларга экологик тәрбия бирү, тирә - юнебезгә яшеллек бируче, сулар һавабызны чистартучы урманнарны саклау, агачлар утырту барыбызныңда уртак бурычы булуын аңлату эше алып барыла. Шул максаттан балалар әти-әниләре белән быел да яшь агачлар утырттылар.
Җиңү көне - һәр гаилә һәм һәр граждан өчен мөһим бәйрәм. Миллионлаган солдат һәм тыныч гражданнарның гомерен өзгән коточкыч сугышка кагылмаган кешене табу кыен. Бу бәйрәм хөрмәтенә Югары Симет мәдәният йортында Җиңү көненә багышланган «Хәркемнең күңелендә син, Җинү» бәйрәм концерты узды.
Теләчедә узган Салават Фәтхетдинов призларына 2009 елгы һәм аннан яшьрәкләр арасында көрәш буенча Республика турнирында Симет егетләре уңышлы чыгыш ясап кайттылар.
Хәйретдинов Дилюс 29 кг 3 урын,
Миннуллин Шамил 55 кг 3 урын,
Ахмадуллин Инсаф 60 кг 3 урын,
Ибрагимов Илшат 75 кг нан авыр үлчәүдә 2 урын.
Тренерлары Закиров Делюс Ридаилович. Молодцы егетләр!
Югары Симет авыл җирлеге УАЗ машинасы белән Бөек Җиңүнең 79 еллыгына багышланган Саба муниципаль районы Парадында катнашты.
Югары Симет авыл җирлегендә 9 май көнне агач утырту акциясе булып узды. Чарада авыл җирлеге башлыгы Ахмадуллин И.Р., ЭПУ ”Сабыгаз” идарәсе җитәкчесе Исмагилов И.И., мәктәп директоры Гарифуллин Р.Н., сугыш чоры балалары, укучылар катнашты.
Югары Симет авылында Җиңү көненә багышланган митинг булып узды. Чарага тыл ветераннары, сугыш чоры балалары чакырылган иде. Алар каршында Югары Симет урта мәктәбе укучылары чыгыш ясады. Ахырдан обелискка чәчәкләр салынды. Авылдан сугышка 145 кеше китә, шуның 94 сугыш кырларында һәлак була, 51 генә исән кайта.