ЯҢАЛЫКЛАР
Югары Симет авыл китапханәсендә «Без коррупциягә каршы!» дип исемләнгән чара үтте.
Югары Симет “Ромашка” балалар бакчсында Гаилә елын йомгаклау чарасы буларак “Гаилә- бәхет ачкычы” исеме астында бик матур чара булып узды. Әлеге эчтәлекле, җылы очрашуда балалар әти- әниләре белән бергә катнашып, үзләренең сәләтләрен, бакчадан тыш вакытларында нинди һөнәрләргә өйрәнгәннәрен күрсәттеләр. Әти-әниләр бала тәрбияләү серләре белән уртаклаштылар, төрле күңелле бәйгеләрдә үзләренең осталыкларын күрсәтеп, көч сынаштылар.
Югары Симет авыл китапханәсендә, мәдәният йорты белән берлектә, "Исемең билгесез, батырлыгың үлемсез!" дигән батырлык дәресе үткәрелде.
Россиядә Халыкара инвалидлар көне мөмкинлекләре чикләнгән кешеләрнең проблемаларына җәмәгатьчелек игътибарын җәлеп итү, шулай ук инвалидлар турында заманча җәмгыятьтә яшәргә сәләтсез һәм кимчелекле кешеләр буларак урнашкан фикерне үзгәртү өчен үткәрелә. Халыкара инвалидлар көне кысаларында Югары Симет мәдәният йортында китапханә белән берлектә «Инвалид һәм мөмкинлекләре чикле кешеләргә карата толерантлы мөнәсәбәт» дигән темага әңгәмә үткәрелде . Чарада катнашучылар белән бергә инвалидлар көненең килеп чыгышы һәм аның барлыкка килүе турында фикер алыштылар. Инвалидларга карата гуманлы һәм кайгыртучан мөнәсәбәт кирәклеге, аларга мөмкин кадәр ярдәм һәм инвалидлыкка китерә торган сәбәп нәтиҗәләреннән беркем дә иминиятләштерелмәве турында искәрттеләр.
Саба һәм Арча районнары чигендә мәгълүмат стенды яңартылды. Эшне «Эксперт-Сервиз» ҖЧҖ башкарды.
28 нче ноябрь көнне Олы Шыңар авыл клубында Республикакүләм "Тату сыйныф серләре" конкурсының зона этабы узды. Районыбызның 5 мәктәбе катнашкан әлеге ярышта Югары Симет урта мәктәбе данын 6 сыйныфы әти-әниләр комитеты яклады. Әтиләр, әниләр, класс җитәкчесе һәм укучылар бик матур чыгыш ясап "Иң бердәм команда" номинациясендә җиңү яуладылар. Молодцы! Котлыйбыз!
"Күңел җылым бүләк итәм сиңа, әнием!” – Югары Симет мәдәният йортында шундый исемдә бәйрәм концерты узды. Ул Әниләр көненә багышланган искиткеч һәм күңелле бәйрәм, ул бөтен халыкның мәхәббәтен һәм илебездә хатын-кызларның югары ролен тануның бер дәлиле булып тора. Авыл җирлеге башлыгы Әхмәдуллин И.Р. әниләрне бәйрәм белән котлады. Кадерле әниләргә бу көнне үзләренең музыкаль бүләкләрен Әхмәдуллиннар гаиләсе буләк итте.
Югары Симет авылында халыктан җыелган акчага янгын сүндерү машинасы өчен гараж төзелде. Барлык төзелеш эшләрен башлап йөргән Гатауллин Айнур Газинур улына, төзелештә катнашкан һәм акчалата, техника белән ярдәм иткән ике авыл халкына зур рәхмәтебезне белдерәбез.
Әниләр көне уңаеннан 22 ноябрь көнне Югары Симет урта мәктәбендә башлангыч сыйныф укучылары әниләрне һәм дәү әниләрне бәйрәм белән котладылар.
Гражданнарның үзара салым акчасына Югары Симет авылында пожарный гидрант куелды. Эшне Саба ПМК "Мелиорация" оешмасы башкарды.