ЯҢАЛЫКЛАР
Гаилә, йорт, якыннар һәм туганнар - болар барысы да тормышыбызны үзенчәлекле мәгънә белән тутыра, зур биеклекләргә ирешергә, теләсә нинди авырлыкларны җиңәргә ярдәм итә. Әлеге бәйрәм уңаеннан Югары Симет мәдәният йорты хезмәткәрләре "Бергә җылырак һәм уңайлырак" дигән күңел ачу кичәсе үткәрделәр. Чарада катнашучыларга төрле уеннар һәм конкурслар оештырылды. Бәйрәмдә мәхәббәт һәм тугрылык турында җырлар һәм шигырьләр яңгырады. Бәйрәм һәркемгә яхшы кәеф бүләк итте.
19 июль көнне Югары Симет мәдәният йорты бакчасында саф һавада кино карау үткәрелде. Авыл халкы, балалар бик теләп кино карадылар, аралыштылар, ял иттеләр.
Россиянең дәүләт идарәсен цифрлы нигездә үстерү, мәгълүмат технологияләре һәм элемтә министрлыгының Россиянең аз санлы торак пунктларын югары тизлекле мобиль интернет белән тәэмин итү программасы кысаларында Түбән Симет авылында «Ростелеком» оешмасы кәрәзле элемтә манарасы урнаштырды. Шул сәбәпле, якын арада, авылда яшәүчеләр Теле2 операторының кәрәзле элемтәсе белән тәэмин ителәчәк.
Симет хуҗалыгында терлек азыгы әзерләү тулы көченә бара. Беръеллык үләннәрдән сенаж салалар.
Югары Симет күпфункцияле үзәгендә ремонт эшләре бара. Бинаның периметры буенча брусчатканы тигезлиләр, фельдшер-акушерлык пунктында плитка урнаштыралар. Эшне ПМК-Мелиорация башкара.
Ир-егетләр арасында Саба муниципаль районы (Шәмәрдән зонасы) буенча үткәрелүче пляж волейболы ярышында Югары Симет авыл җирлеге командасы актив катнашып 2 нче урынны яулады. Җиңүләре белән котлыйбыз һәм алга таба да уңышлар телибез.
Югары Симет урта гомуми белем бирү мәктәбе укучылары Югары Симет авыл җирлеге биләмәсендә җәмәгать урыннарының һәм урамнарының тиешле санитар һәм эстетик торышын саклау өчен үлән чабу эшләрен дәвам итәләр.⠀Үлән чабу аның үсеш чоры дәвамында сезонга берничә тапкыр даими чабылачак.
27 июнь көнне кич белән ДПО бинасын җылыту өчен утын әзерләү оештырылды. Барлык катнашучыларга зур рәхмәтебезне җиткерәбез.
Казан шәһәрендә үткәрелгән Сабантуйларда Югары Симет авылы яшь көрәшчеләре зур уңышка иреште. Тынычлык бистәсендә узган милли бәйрәмдә Ахмадуллин Булат 80 кг үлчәүдә батыр калды. Дәрвишләр бистәсендә оештырылган Сабантуйда Ибрагимов Илшат авыр улчәүдә җидүче булды. Тренерлары Закиров Дилюс Ридаилович. Афәрин , егетләр!
«Хәтер шәме» акциясе беренче чиратта Бөек Ватан сугышы вакыйгалары, бу көнне миллионлаган кешенең гомерен өзгән иң куркыныч сугыш башлануы турында истәлекне саклауга юнәлдерелгән. 21 июньдә Югары Симет авылы халкы «Хәтер шәме» Бөтенроссия акциясендә катнаштылар. Хәтер һәм кайгы көнендә без Бөек Ватан сугышы елларында һәлак булган, җәфаланган, ачлыктан үлгән барлык кешеләрне искә алабыз.