ЯҢАЛЫКЛАР
Олы Кибәче авылына Тимершык урта мәктәбеннән бер төркем ветеран укытучылар кунакка килде. Алар Олы Кибәчедә яшәүче ветеран укытучылар Рузалия Зыятдин кызы һәм Рафил Әхмәт улы Сафиннар белән очрашты. Авылыбыз мәчетендә һәм чишмәдә экскурсиядә булдылар.
2023 елның 10 ноябрендә Олы Кибәче урта гомуми белем бирү мәктәбендә башлангыч мәктәп укучыларын Россия бөркетләре оешмасына багышлау тантанасы узды, алар Россия балалар һәм яшьләр хәрәкәтенең беренче баскычы булып тора. Бу тантаналы һәм дулкынландыргыч көн иде. Олы Кибәче авыл җирлеге башлыгы Сафин Айрат Камил улы, тәрбия эшләре буенча директор урынбасары Камалова Диләрә Рушан кызы һәм башлангыч сыйныф укытучылары балаларга үгет-нәсихәт сүзләре белән мөрәҗәгать иттеләр. Тантаналы ант, "Россия бөркете" билгеләрен тапшыру, мавыктыргыч флешмоб, болар барысы да бәйрәмдә катнашучыларны дулкынландырды һәм озак вакыт хәтердә калачак. Чөнки "бөркет" булу-ул һәрнәрсәдә һәм һәрвакыт алда булу, үзендә Ватанга мәхәббәт, хезмәт сөючәнлек һәм белемгә омтылу, намуслылык һәм затлылык, тыйнаклык, дисциплиналылык һәм иптәшлек тәрбияләү дигәнне аңлата.
Олы Кибәче авыл җирлегендә Сабантуй мәйданына 35 төп нарат кәлшәсе утыртылды.
Кече Кибәче авылында үзара салым акчасы хисабына зиратта агачлар киселгән иде. Кибәче бригадасы киселгән агачларны чыгарырга һәм урнаштырырга техника белән ярдәм итте.
Олы Кибәче урта мәктәбенең 5 һәм 10 сыйныф укучылары көзге каникул вакытында Лесхозда урнашкан урманчылык музеенда һәм Н.Миңнеханов исемендәге дендрарийда экскурсиядә булдылар.
Олы Кибәче авыл клубының "Сәрбиназ" фольклор ансамбле, мәдәният хезмәткәрләре һәм үзешчән сәнгатьтә катнашучылар Иске Икшермә мәдәният йортында "Милләт яме - йола-бәйрәмнәрдә" фестиваль -конкурсында "Кич утыру" күренеше белән чыгыш ясадылар.
Олы Кибәче авыл җирлегендә авыл кырыйларындагы тигәнәк һәм башка каты чүп үләннәре БДМ агрегаты белән эшкәртелде.
Олы Кибәче урта мәктәбендә "Уңыш бәйрәме" уздырдылар. Һәр класс аерым яшелчә яки җиләк-җимешне тәкъдим итте. Яшелчә, җиләк-җимеш һәм алардан әзерләнгән ризыклардан күргәзмә оештырдылар. Шул темага багышланган концерт номерлары белән чыгыш ясадылар. Ахырдан үзләре әзерләгән ризыклар белән чәй эчтеләр.
Кече Кибәче авылы зиратында киселгән ботакларны һәм чыбык-чабыкларны яндыру өчен өмә оештырылды.
Олы Кибәче урта мәктәбенең "Күңелле сәхнә" түгәрәгенә йөрүче укучыларыбыз Гаилә һәм мәктәп театрларының "Гаилә тарихы", "Театрның яше юк" Беренче Республика фестиваль конкурсында актив катнашып, Рәхмәт хаты белән бүләкләнделәр. Ретро автомобильләр күргәзмәсендә дә булдылар.