ЯҢАЛЫКЛАР

29 декабрь көнне Олы Кибәче урта мәктәбендә югары сыйныф укучылары өчен Чыршы бәйрәме булды. Укучылар тамашачыларны төрле кызыклы номерлар белән күңел ачтырдылар. Бөтенроссия һәм республикакүләм олимпиадаларының район турында җиңүчеләрне, аларның әти-әниләрен һәм укытучыларын котладылар, грамоталар һәм рәхмәт хатлары тапшырылды, акчалата премияләр бирелде. Ә акчалата премияләр спонсоры безнең авылдашыбыз Шәфиков Рифкат Зиятдин улы булды.

Олы Кибәче балалар бакчасында Яңа ел бәйрәме булды. Балаларны бәйрәм белән котларга клоуннар һәм төрле җәнлекләр килгән иде, ә Кыш бабай белән Кар кызы тәмле күчтәнәчләр өләште.

Авыл җирлеге башлыгы Сафин А.К. депутат Вольфсон И.С. исеменнән Кече Кибәче авылында яшәүче күпбалалы Шәвәлиевлар гаиләсенә Яңа ел күчтәнәчләре белән пакет тапшырды.

Төбәк авылында яшәүче Бөек Ватан сугышы ветераны Әлмиев Хаҗиәхмәт Галиәхмәт улына авыл җирлеге башлыгы Сафин А.К. "Бердәм Россия" партиясеннән Яңа ел бүләге тапшырды.

Олы Кибәче балалар бакчасы Яңа елга бакчаның территориясен һәм тәрәзәләрен бизәде.

Төбәк товарлыклы-сөтчелек комплексында кышкы чорда малларны витаминлы азыклар белән тукландыралар.

Узган җомгада Олы Кибәче авылында шәхси эшмәкәр Хәбибуллина С.Н. "Салкын чишмә" исемле яңа кибет ачты. Кибет үзенең киң ассортиментлы товарлары белән тирә-күрше авыллларды яшәүчеләрне дә куандыра.

Олы Кибәче авыл җирлегендә барлык оешмаларда да Яңа елга әзерлек бара.

Олы Кибәче авыл җирлегендә биләмәне тәртипкә китерү эше бара, америка өрәңгеләре киселә.

27 ноябрь көнне Кече Кибәче авылында чишмә ачу тантанасы булды. Чишмә шушы авылда туып-үскән Гарипов Марат Гарафетдинович җитәкчелегендә, авыл халкы көче белән торгызылды. Чишмә ачу тантанасында Саба районы башлыгы Р.Н. Миңнеханов катнашты. Чишмәгә Марат Гарафетдин улының әтисе хөрмәтенә "Гәрәфетдин" исеме бирелде.