ЯҢАЛЫКЛАР
Олы Кибәче авыл җирлегендә махсус хәрби операция зонасындагы егетләр өчен бәрәңге һәм башка яшелчәләр җыю оештырылды. Әлеге акциядә җирлектәге бар халык актив катнашты. Җирлектәге 3 авылдан барлыгы 5 тоннага якын яшелчә җыеп тапшырылды.
Закиров Роберт Камил улы Олы Кибәче урта мәктәбенең "Туган якны өйрәнү" музеена тальян гармун бүләк итте. Ул авылдан чыккан барлык тальянчылар исемлеген барлаган. Аны тальянның киләчәктәге язмышы борчый, шунлыктан ул замана балалары да бу уен коралында уйный белсеннәр дигән теләк белән шушы бүләкне ясаган.
Олы Кибәче авыл җирлегендә "Милләтләр кроссы-2024" уздырылды. Ярышта Олы Кибәче урта мәктәбе укучылары һәм җирлектәге бюджет оешмалары эшчеләре катнашты. Җиңүчеләр мактау грамоталары белән бүләкләнде.
"Сыйныф очрашулары" дигән проект кысаларында Олы Кибәче урта мәктәбенең чыгарылыш сыйныф укучылары һәм аларның класс җитәкчеләре, шушы мәктәптә укып чыгып киткән, хәзерге вакытта "Инстамарт Технолоджис" компаниясендә программист булып эшләүче Р.Т. Хөсәенов белән очраштылар. Ул программист һөнәренең күпкырлы булуы һәм компаниядә көндәлек эшнең ничек оештырылуы турында сөйләде. Очрашуда катнашучыларны кызыксындырган сорауларга җавап бирде һәм укырга керү буенча үз тәҗрибәсе белән уртаклашты, файдалы киңәшләрен бирде.
Олы Кибәче авыл җирлеге территориясендә Саба урманчылыгы агач утырту өчен җир әзерли. 28 га җир участогында агачлар утыртылачак.
8 сентябрь көнне Татарстан Республикасы Дәүләт Советына 7 нче чакырылыш депутатларын һәм №47 Кукмара бермандатлы сайлау округы буенча депутат сайлаулары булып узды. Олы Кибәче авыл җирлегендә 2 участок сайлау комиссиясе эшләде. Сайлаучылар сайлауда һәм "Бөтен гаилә белән сайлауларга" акциясендә дә актив катнаштылар. Олы Кибәче авыл җирлеге башлыгы А.К.Сафин тавыш бирүнең беренче минутларында ук үзенең гражданлык бурычын үтәп тавыш бирде. Барлык сайлаучыларга да сайлауда актив катнашканнары өчен рәхмәт белдерәбез!
Олы Кибәче урта мәктәбендә, "Шәп очрашулар" дигән Бөтенроссия проекты кысаларында, авыл җирлеге башлыгы А.К.Сафин белән югары сыйныф укучылары очрашты.
Олы Кибәче авыл җирлегенең бюджет оешмалары эшчеләре урып-җыю эшләренә график буенча ындыр табагында булышалар.
Бүген Олы Кибәче урта гомумбелем бирү мәктәбендә Белем бәйрәме билгеләп үтелде. Быелгы уку елында мәктәптә 81 укучы белем алачак. Беренче сыйныфка укырга 9 бала керде. Барлык укучыларга һәм укытучыларга да уңышлар телибез!
Республика көненә багышлап Олы Кибәче авыл җирлегендә балалар арасында велосипед ярышы оештырылды. Ярышта Мөхәммәтшин Сәид җиңүче булды. Катнашучыларга бүләкләр һәм грамоталар тапшырылды.