ЯҢАЛЫКЛАР

8 июнь көнне   Явлаштау авыл җирлегендә гөрләп Сабантуй бәйрәме үтте. Сабантуй үткәрелә торган яшел аланга бик  күп халык җыелды. Җылы кояшлы көн күңелләрне күтәрде. Авыл кешеләре өчен сабантуй гади бәйрәм генә түгел.  Монда классташлар, яшьтәшләр, күрше авыл кешеләре,  туганнар очраша.   Халык барлык уеннарда актив катнашты.  Сабантуйның абсорлют батыры булып Гилметдинов Айдар калды.

Явлаштау авыл җирлегендә көндәлек Сабантуй бәйрәмнәренә әзерлек эшләре алып барыла. Шул уңайдан җирлек территориясе чистартыла, печәннәр чабыла, Сабантуй мәйданы төзекләндерелә. Бәйрәм рухы кертеп Явлаштау һәм Мишәбаш авылларында традицион рәвештә бирнәләр җыю оештырылды. Халык үз чиратында дөньялар имин булсын, игеннәр мул булсын, тәннәрдә сәләматлек булсын дип теләкләр теләде!

25 май көнне Явлаштау урта мәктәбендә 11 нче сыйныфны тәмамлаучы 3 укучы өчен Соңгы кыңгырау яңгырады. Бәйрәмдә катнашкан һәркем аларга уңышлар һәм бәхетеле киләчәк теләде.

        Явлаштау авыл җирлегендә “Мир” телевизион каналы журналистлары  татарча туй тошереп киттеләр.  Күренешләрдә Шекше, Явлаштау, Шытсу фолклор торкемнәр, район мәдәният йорты хезмәткәрләре, барлык җирлекләрнең мәдәният йорты хезмәткәрләре катнашты.  “Любовь без границ” твапшыруы алып баручылары Евгения Родионова `һәм Григорий Полищук сүзләренә караганда, иң күңелле туй Татарстан Республикасында, Саба районы Явлаштау авылында үткән.

Егетләрнең гармун белән башкарган дәртле җырлары, кунакчыл халык, бизәлгән атлар, милли киемнәр, күңел җылысын биреп әзерләгән туй ризыклары, шуларга өстәп, гаиләнең ныклыгын саклауга юнәлтелгән традицияләр.

             Тиздән   “Мир” телевизион каналының   “Любовь без границ” тапшыруында Явлаштау авылында үткән туйны күрсәтүне котәбез.

"Мәктәптә футбол" фестивале кысаларында футбол буенча тренер Фазылов И.И. 1 класс укучылары һәм мәктәпкәчә яшьтәге балалар белән мастер- класс үткәрде.

Явлаштау авыл жирлегендә Боек Җиңүнең 74-еллыгына бәйрәм чаралары  8 май конне үтте.

        Явлаштау авыл җирлегендә     21 апрель конне укучыларның иҗади отчет концерты булды.

Бәйрәм чарасы  җирле үзидарә органнары җитәкчеләренең чыгышы белән башланып китте. Алар җирле үзидарә органнарының тарихы, башкарылган эшләр, алда торган  планнар белән таныштырдылар. Бәйрәм чарасын Явлаштау урта мәктәбе укучыларының  концерт программасы дәвам иттте. Концертны әзерләүче, хореография укытучысы Рахимуллина Чулпан һәм мәктәпнең иҗади группасы. Чыгышларның күп өлеше халык һәм заман биюләреннән торды. Тамашачылар, әти-әниләр балаларның чыгышын яратып карадылар.

    Явлаштау авыл җирлегендә ирләре Боек Ватан сугышында катнашкан тол әбиләргә Боек Җиңүнең 74 еллыгына бүләкләр тапшырылды.   Явлаштау авыл җирлеге башлыгы Р.Х.Нуриев, Саба муниципаль районы мәдәният бүлеге җитәкчесе Р.Ф.Загидуллин Татарстан Республика Президенты исеменнән бүләкләр тапшырдылар.

    12 апрель конне бер торкем пенсионерлар Казанга экскурсиягә барып кайттылар.   Алар “Кәнәфер” фольклор ансамблендә катнашалар, буш вакытларын бергә уздыралар. Мәдәният йортында торле чаралар үткәрәләр, кызыклы шогыльләре белән уртаклашалар.   Республикасы башкаласына сәфәр бик кызыклы һәм файдалы үтте.

        6 апрель конне  Явлаштау авыл җирлеге үзечшәннәре    Олыяз авылында зур концерт белән чыгыш ясадылар.   Концерт программасы кызыклы итеп тозелгән иде. Олыяз авылы тамашачылары  чыгышларны җылы кабул иттеләр, колделәр, моңландылар, рәхәтләнеп ял иттеләр.