ЯҢАЛЫКЛАР
«3» гыйнвар көнне, Эзмә авыл җирлегенең Пүкәл авыл клубында, китапханә белән берлектә,балалар өчен "Кыш бабайның тылсымлы иле"дип исемләнгән чыршы бәйрәме узды. Оештыручылар балаларны тылсымлы кышкы әкият дөньясына алып керә торган программа әзерләделәр. Балалар Яңа ел программасында катнаштылар, әкият дөньясына чумдылар. Әлбәттә, бәйрәмнең төп геройлары - Кыш Бабай һәм Кар Кызы белән очрашу программаның кульминациясе булды. Барлык теләүчеләр яңа ел тылсымчысына шигырьләр сөйләделәр һәм чыршы тирәсендә җырлап-биеп әйләнделәр.
«31» декабрь көнне Эзмэ авыл жирлегенен Илэбэр авыл клубы хэм китапханэ хезмэткэрлэре Яна ел бал-маскарады уткэрделэр. Бэйрэм торле кызыклы конкурслар, биюлэр, жыр-мон белэн урелеп барылды. Хэр катнашучы истэлек булэклэре алдылар.
Яңа ел - барыбызның да көтеп алган, яраткан бәйрәме. Әлеге бәйрәм уңаеннан, «30» декабрь көнне Эзмэ авыл жирлегенен Пүкәл авыл клубында «Балкый Яңа ел утлары!» дигән исем астында Балмаскарад узды. Бәйрәм тамашасы театраль күренеш белән башланып китте. Кыш бабай белән Кар кызы авылыбызда яңа өйләнешүчеләрне, яңа туган сабыйларны бүләкләгәннән соң, балмаскарад, күңелле уеннар, дәртле җыр-биюләр, кызыклы күренешләр белән дәвам итте. Тамаша бәйрәм дискотекасы белән тәмамланды. Тамашачылар һәр чыгышны көчле алкышларга күмеп, яңа елга яңа дәрт алып таралышты.
«31» декабрь көнне Эзмә авыл җирлегенен Олыяз мәдәният йортында "Хуш киләсен Яңа ел"дип исемләнгән бал-маскарад үткәрелде. Төрле күңел ачу бәйгеләре, уеннар оештырылды. Конкурслар концерт номерлары белән чиратлашып барды. Барлык катнашучылар да, киләсе елга бик күп уңай энергия заряды алып, үткәрелгән чарадан канәгать калдылар.
«30» нчы декабрь көнне Эзмә авыл җирлеге мәдәният йортында "Яңа ел серпантины" дип исемләнгән музыкаль күңел ачу программасы булып узды. Бәйрәм кичәсе "Яңа ел мәзәк тарихлары" дигән театральләштерелгән тамаша белән башланып китте, анда популяр Яңа ел җырлары, биюләр, күңелле уеннар һәм конкурслар да яңгырады. Бу бәйрәм кичәсенең барлык буыннарны берләштерүе һәм һәркемне яңа елдан ниндидер үз хыялын, үз өметен, могҗизасын алуы да мөһим.
Саба районының Эзмә авыл җирлеге коллективы барыгызны да якынлашып килүче Яңа ел белән тәбрик итә! Киләсе елда сезгә нык сәламәтлек, бәхет, күңел ныклыгы, үз көчегезгә ышаныч һәм оптимизм телибез. Сезнең туганнарыгыз һәм дусларыгыз һәрвакыт Сезнең белән булсын, ә сезнең йортларда иминлек, мәхәббәт чәчәк атсын.
Саба районының Эзмә авыл җирлегендә Яңа елга әзерлек чаралары бара.
Саба районының Эзмә авыл җирлегендә яшь белгечләрне тораклы итү һәм авыл җиренә квалификацияле белгечләр җәлеп итү максатыннан Республика күләмендә “Яшь белгечләргә аренда торагы” программасы кысаларында йортлар төзелеп тора. Чираттагы йорт Иләбәр авылында авыл хуҗалыгы белгеченә дип төзелеп килә.
«10» декабрь көнне Эзмә авыл җирлегенең Пүкәл авыл клубы һәм китапханәсе хезмәткәрләре, «Ак калфак» хатын - кызлар клубына йөрүчеләр белән авыл тарихына багышланган «Ачыйк тарих битләрен» исемле чара-сәяхәт үткәрде. Сәяхәтнең төп максаты - авылыбызның тарихы белән таныштыру, истәлекләрне барлау, Пүкәл авылының тарихи үткәненә файдалы һәм мавыктыргыч сәяхәткә бару иде. Чара барышында катнашучылар клубыбызда сакланган «Туган ягым - яшел бишек» исемле истәлекләр тупланган папка белән таныштылар, фотографияләр аша авылыбызның элеккеге вакытын, авылдашларыбызны искә төшерделәр.
Саба муниципаль районынын Эзмә авыл җирлегендә урнашкан Олыяз авылы «Чәчкә» балалар бакчасы бинасын төзекләндерү эшләре бара. Эшне ООО «ПМК-159» оешмасы башкара.