ЯҢАЛЫКЛАР
26 нчы апрель көнне Эзмә мәдәният йортында Габдулла Тукайнын туган көне уңаеннан "Саф чишмә" балалар бакчасы балалары тарафыннан ""Тукай безнең куңеллэрдә"дип исемләнгән әдәби музыкаль кичә булып утте.
2019 елның 26 апрелендә Эзмә авыл җирлегендә гомумрайон шимбә өмәсе һәм «Урман утырту көне»акциясе узды. Акциядә Эзмә авыл җирлегенең барлык учреждениеләре хезмәткәрләре катнашты. 30 төп миләш һәм 30 төп юкә үсентесе утыртылды.
2019 елның 25 апрелендә "Саба" йөзү бассейны " муниципаль бюджет учреждениесендә пенсионерлар һәм инвалидлар арасында йөзү буенча район беренчелеге узды. Эзмә авыл җирлеге пенсионерлары арасында Мухамадиева Фирая һәм Галимуллина Зөлфирә 60 яшькә кадәр һәм аннан да өлкәнрәк категориядә 2 урын алдылар. Инвалидлар арасында Сәмигуллин Азат 3 нче урынны алды.
23 нче апрель көнне Пүкәл авыл клубында китапханә белән берлектә "Ак калфак" клуб берләшмәсенә йөрүчеләр белән "Өй шартларында бүлмә гөлләрен тәрбияләү" дигән мәгълүмат сәгате үткәрелде. Уңган хуҗабикәләр кыш буе үлле-мәлле йокымсырап утырган бүлмә гөлләрен күчереп утырту яисә тернәкләндереп җибәрү хәстәренә кереште. Шул нисбәттән бүлмә гөлләре турында кызыклы мәгълүматлар һәм аларны үстерү буенча төрле киңәшләр бирелде. Бу клуб берләшмәсенә йөрүчеләребез гөлләрне карау серләре белән уртаклаштылар. Китапханә ягында "Комнатные растения и их роль в жизни человека" исеме астында китап күргәзмәсе оештырылды.
Эзмә авыл җирлегендә торак пунктларны төзекләндерү һәм санитар җыештыру буенча чаралар дәвам итә.
Пукәл авыл клубында, җирле узидарә көне уңаеннан "Бүген һәм элек" дигән чарага, озак еллар, авыл советында бухгалтер булып эшләп, лаеклы ялга чыккан Фаттахова Әнисә апа чакырулы иде.Ул балаларга җирле үзидарәдә эшләгән вакытта нинди эшләр башкаруын сөйләде һәм истәлекле фотолары белән таныштырды.
Олыяз мәдәният йорты Эзмә урта мәктәбе белән берлектә, башлангыч сыйныф укучыларына, "Нәрсә ул җирле үзидарә" дигән темага, Эзмә авыл җирлегенә экскурсия оештырды.
18 апрель көнне Пүкәл авыл клубында, китапханә белән берлектә "Пенсиядә утырам, вакытны бушка үткәрмим" дип исемләнгән ял кичәсе үткәрелде. Анда "Ак калфак"хатын-кызлар клубына килүчеләрнең иҗади эшләре тәкъдим ителде. Чара барышында мәкальләр һәм әйтемнәрне искә төшерделәр, табышмаклар чиштеләр, җырлар башкардылар, биеделәр. Соңыннан барлык катнашучылар чәй өстәле артына чакырылды. Чәй табыны артында күңелле әңгәмә үткәрелде.Чара бик күңелле килеп чыкты. Барысы да күңел күтәренкелеге һәм күңелле кәеф алдылар.
Эзмә мәдәният йорты бинасында район мәктәпләрендә укучы егетләр арасында волейбол буенча зона ярышлары үтте. Ярышта Эзмә, Шекше, Явлаштау, Шәмәрдән, Курсабаш мәктәбе укучылары катнашты. Эзмә мәктәбе командасы 1 нче урынга лаек булды.
Санитар-экологик икеайлык кысаларында Эзмә авыл җирлегенең барлык оешмаларында да территорияләрне чистарту буенча эшләр башкарылды.