ЯҢАЛЫКЛАР

Өлкәннәр көне уңаеннан Тенеки авыл клубында "Өлкәннар - алтын канат" дип исемләнгән очрашу кичәсе узды. Бәйрәм кунаклары чарада яшьлекләренең серләре белән уртаклаштылар, викторинада һәм музыкаль конкурсларда катнаштылар. Юлбат мәдәният йорты һәм китапханәсе, Сатыш мәдәният йорты хезмәткәрләренең һәм сәнгать эшчәнлегендә катнашучыларның иң яхшы концерт номерлары кунаклар өчен күңелле бүләк булды. Юлбат авыл җирлеге башлыгы Шәмсиев Т.Р. бәйрәм белән котлады һәм нык сәламәтлек, уңышлар һәм озын гомер теләде.

2 октябрь көнне Юлбат авыл җирлегендә яшәүче алтын пар - 50 ел бергә яшәгән Галиев Наил Тимергали улы һәм Галиева Фәүзия Мөбәрәкҗан кызы тәбрикләнде. Аларны авыл җирлеге башлыгы Талип Рәшит улы һәм җаваплылыгы чикләнгән “Юлбат” авыл хуҗалыгы директоры Айнур Рафаил улы котладылар. Сәламәтлек һәм озын гомер телибез Сезгә!

1 октябрь көнне һәр елны Халыкара өлкәннәр көне билгеләп үтелә. Шул уңайдан  Юлбат авыл җирлеге башлыгы Юлбат авыл җирлегенең үзидарә органнарында эшләп чыккан пенсионерларга  акчалы  конвертлар өләште һәм бәйрәм белән котлады. Шулай ук өлкәннәргә Саба районының "Забота" Хәйрия Фонды аша көнкүреш химиясе бүлеп бирелде.

Юлбат ФАП фельдшеры Бадикова Миләүшә Юлбат төп гомуми белем бирү мәктәбенең ата-аналар җыелышында "Вируслы инфекцияләр һәм алар белән ничек көрәшергә?" дип исемләнгән доклад белән чыгыш ясады.

Юлбат ФАП фельдшеры Бадикова Миләүшә "Чисталык – сәламәтлек нигезе" дигән темага Юлбат төп гомуми белем бирү мәктәбе укучылары белән профилактик әңгәмә үткәрде.

Юлбат «Ромашка» балалар бакчасында «Сабам минем-туган ягым!» дип исемләнгән атналык булып узды. Атна дәвамында балалар туган төбәгебез, аның тарихы турында белемнәрен үстерделәр. Саба районының истәлекле урыннары, күренекле кешеләре белән таныштылар.

Юлбат авыл җирлегенә караган торак пунктларда халыктан җыйналган үзара салым хисабына авыл юлларын ремонтлау эшләре башланды. Җаваплылыгы чикләнгән “Рамазан” җәмгыяте Тенеки авылында 74 м. юл ремонтлады.  

Юлбат авыл җирлегенә караган торак пунктларда халыктан җыйналган үзара салым хисабына авыл юлларын ремонтлау эшләре башланды. Җаваплылыгы чикләнгән “Рамазан” җәмгыяте Юлбат авылында 217 м. юл ремонтлады.  

Юлбат авыл җирлегенә караган торак пунктларда халыктан җыйналган үзара салым хисабына авыл юлларын ремонтлау эшләре башланды. Җаваплылыгы чикләнгән “Рамазан” җәмгыяте Калатау авылында 37 м. юл ремонтлады.  

Юлбат авыл җирлегенә караган торак пунктларда халыктан җыйналган үзара салым хисабына авыл юлларын ремонтлау эшләре башланды. Җаваплылыгы чикләнгән “Рамазан” җәмгыяте Йосыф-Алан авылында 34 м. юл ремонтлады.