ЯҢАЛЫКЛАР

 Ел саен, 6 июнь көнне Россиядә Пушкин көне билгеләп үтелә, ул шулай ук рус теле көне буларак билгеле. «Пушкин нон-стоп» республика акциясе кысаларында, 6 июнь көнне Юлбат авыл китапханә хезмәткәрләре Юлбат мәдәният йорты һәм Тенеки авыл клубы мөдирләре белән берлектә А.С.Пушкинның туган көненә багышланган «Пушкин әкиятләре»н кычкырып уку үткәрделәр.

7 июнь көнне Юлбат мәдәният йорты, китапханә хезмәткәрләре авыл фельдшеры  һәм «Хыял» мәктәп яны лагере белән берлектә табигатьтә, Бөтендөнья әйләнә-тирә мохит көне уңаеннан «Табигатьне саклыйк» дип исемләнгән экологик сәгать үткәрделәр.

1 июнь көнне Юлбат мәдәният йорты һәм китапханә хезмәткәрләре «Хыял» мәктәп яны лагере белән берлектә "Балачак ул-без"дип исемләнгән уен программасы үткәрделәр. Юлбат мәдәният йорты һәм китапханә мөдирләре балаларны бәйрәм белән котладылар һәм тормыш иминлеге нигезләре буенча «Тормыш иминлеге өчен юлларда иминлек» темасына кечкенә дәрес үткәрделәр. Бәйрәм программасын күңелле конкурслар, спорт эстафеталары, табышмакларны чишү, шигырьләр, биюләр һәм флешмоб белән дәвам иттеләр.

11 июнь көнне Юлбат авылында традицион Сабантуй - 2023 булып узды. Бәйрәм балаларның хореографик чыгышы белән башланып китте. Котлаулардан соң бәйрәмнең спорт программасы башланды. Спорт ярышлары бик җанлы темпта үтте. Көне буе сәүдә ноктасы эшләде, күңелле музыка яңгырады. Бу көнне төрле ярышлар һәм уеннар үткәрелде. Авыл халкы, кунаклар уеннарда актив катнаштылар. Сабантуйның иң мөһим ярышы-милли көрәш. Сабантуйның абсолют батыры булып Тәфкил Шәйхетдинов калды. Абсолют батырга традиция буенча тәкә бүләк ителде. Барлык җиңүчеләргә дә кыйммәтле бүләкләр тапшырылды.

3 июнь көнне Юлбат, Тенеки, Йосыф-Алан, Калатау  авылларында Сабантуйга бирнә җыю оештырылды.

«Сабантуй» милли бәйрәменә әзерлек максатыннан Юлбат авыл җирлегендә «Сабантуй» уздыру урыннарында әзерлек эшләре алып барыла.

Яңа уку елына йомгак ясау, аны зур концерт белән тәмамлау, Юлбат төп гомуми белем бирү мәктәбе укытучылары һәм укучылары коллективының күркәм традициясенә әверелде. 31 май көнне Юлбат мәдәният йортында балалар укытучылары, әти-әниләре белән бергә "Укулар беткәч" дип исемләнгән зур иҗат-отчет концерт программасы куйдылар.

Райондашым, Тенеки авылы тумасы, журналист, "Шәһри Казан" газетасының бүлек мөхәррире, тынгысыз галимә Рәсимә Галиваның   "Табылдык кыз" китабы чыгу уңаеннан ихлас очрашу булып узды. Тенекилеләр элек-электән китап укырга хирыс халык. Авылдашларын хөрмәт итеп, кырык эшләрен кырык якка ташлап,( һәм, әлбәттә, яңа китапны ярыша-ярыша укып) ул көнне дә мәдәният йортына ашыкты алар. Авылдашлары Рәсимә Галиева белән горурланулары, аны яратып хөрмәт итүләре йөзләреннән, һәр әйтелгән сүзләреннән күренә. Китапханәче Нәсфия Хәмит кызы тирән эчтәлекле программа төзеп, кичәне үзе үк зәфыклы итеп алып  та барды. Очрашуда Рәсимә ханымның кадерле әнисе, туганнары да, остазлары да, Саба районы үзәкләштерелгән китапханәләр берлеге җитәкчесе Ләйсән Ракыйп кызы да катнашып матур хәтирәләр яңартылуы күңелләрне айкады. "Табылдык кыз" китабы  заманча, йөгерек, ачык, кыю һәм гади тел белән язылган. Укучыга уйланырга урын да калдырылган. Образлар төрлелеге әсир итә. Менә шушы ягы белән Рәсимәбез укучылар күңеленә үтеп керә алды да инде.Үзе булып, Рәсимә Галиева булып.

18 май көнне, милли мәдәниятләр һәм традицияләр елы кысаларында, Юлбат мәдәният йорты, китапханә хезмәткәрләре «Ак калфак» клубы һәм «Нур» театры сөючеләренең клуб берләшмәсе әгъзалары белән бергә «Борынгы заман тарихы» дип аталган халыкара музейлар көненә багышланган сәяхәт үткәрделәр. Бәйрәм хөрмәтенә Юлбат авылы музеен оештыручы - җәмәгать эшлеклесе, Татарстан Республикасы татар тарихын өйрәнүчеләр җәмгыяте советы әгъзасы, атказанган укытучы, тарихчы - Сафин Илдар Фәтхулла улы музейга килүчеләр өчен экскурсия үткәрде. Алар күпсанлы экспонатларны: көнкүрештә кулланылган савытларны, документларны, китапларны, татар халкының мәдәнияте, гореф-гадәтләре турында сөйләүче киемнәрне кызыксынып карадылар. Музейда элеккеге заманнардан калган һәм безнең көннәрдә зур тарихи һәм мәдәни кыйммәткә ия булган әйберләр саклана. Күргән экспонатлардан күп тәэсирләр калды.

Бөтен Россия буенча 1 майдан 9 майга кадәр «Җиңү тәрәзәләре» акциясе старт алды, анда катнашу бәйрәм хисе тудыра, сугышчылар һәм тыл хезмәтчәннәренең гомерләре бәрабәренә җирдә тынычлык торгызылган сугышчыларга һәм тыл хезмәтчәннәренә чиксез рәхмәт белдерә. 4 май көнне Юлбат мәдәният йорты, китапханә һәм Тенеки авыл клубы хезмәткәрләре дә әлеге акциягә кушылдылар.