ЯҢАЛЫКЛАР
1941-1945 еллардагы Бөек Ватан сугышында Җиңүнең 79 еллыгын бәйрәм итү, Җиңү көне алдыннан ветераннарны-сугыш ветераннарын һәм тыл хезмәтчәннәрен өйләренә барып котлау бик мөһим. Бу көннәрдә ветераннар тирә-юньдәгеләрнең игътибарын аеруча көтәләр. 7 майда Тимершык мәдәният йорты һәм китапханә хезмәткәрләре "ветеранга кунакка" Бөтенроссия акциясенә кушылды. Тыл хезмәтчәннәрен 9 Май бәйрәме белән котладылар! Игътибар һәм хөрмәт йөзеннән аларга сәламәтлек, иминлек, озын гомер һәм бары яхшы теләкләр белән бүләкләр тапшырдылар.
7 майда Тимершык мәдәният йорты һәм китапханә хезмәткәрләре Тимершык урта гомуми белем бирү мәктәбе белән берлектә Георгий тасмасы акциясенә кушылдылар. Сугышта җиңү-шатлык һәм кайгы. Ә без бу хәтерне һәр гаиләгә кагылган иң куркыныч сугыш турында буыннан-буынга җиткерергә тиешбез. Чөнки аның өчен үз гомерләре белән түләп безгә хәзер яшәргә мөмкинлек бирделәр. Без бу коточкыч сугыштан кайтмаганнарны бер минут тынлык белән искә алдык. Аннары сугын ветераннары каберләренә Георгий тасмаларын бәйләдек.
8 майда Тимершык мәдәният йортында китапханә һәм Тимершык урта гомуми белем бирү мәктәбе белән берлектә стела янында митинг һәм мәдәният йортында Бөек Ватан сугышында Җиңүнең 79 еллыгына багышланган бәйрәм концерты оештырылды. Башта котлау сүзе белән мәгариф бүлеге башлыгы И.Ф. Шакиров, авыл җирлеге башлыгы А. Х. Хаҗиев, Тимершык урта гомуми белем бирү мәктәбе директоры Д. Р. Закиров һәм ООО "Саба» белгечләре чыгыш ясады. Сугышта һәлак булган барлык солдатлар өчен бер минут тынлык игълан ителде. Яшь артистлар сугыш елларының җырларын һәм биюләрен башкардылар, театр тамашасы күрсәтелде. Әлеге бәйрәмдә МХО катнашучы авылдашларыбыз, тыл ветераннары катнашты. Чара "Вперед Россия" җыры белән тәмамланды. Тантаналы өлештән соң кунаклар бәйрәм өстәленә чакырылды.
Тимершык мәдәният йортында китапханә белән берлектә "Шундый һөнәр бар"дигән мәгълүмати сәгать узды. Һөнәр сайлау күпчелек яшүсмерләр өчен авыр, ул характерга, кызыксынуларга туры килгән эшне табудан гыйбарәт. Чарада катнашучылар һөнәрләр дөньясының күптөрле һәм үзгәрүчән булуын белделәр: яңа һөнәрләр барлыкка килә, эшендә яңа технологияләрне, инновацияләрне үзләштерә алган махсус фикерләү стиле булган белгечләр күбрәк таләп ителә. Аннары балалар, ике командага бүленеп, төрле биремнәр үтәделәр: «минем мавыгуым — минем һөнәрем» викторинасы сорауларына җавап бирделәр, хезмәт турында мәкальләрне һәм әйтемнәрне искә төшерделәр, ребусларны чиштеләр, шулай ук киләчәккә планнары белән уртаклаштылар.
Тимершык мәдәният йорты хезмәткәрләре китапханә белән берлектә балалар белән «Үз сәламәтлегеңне ничек сакларга»уен программасын үткәрделәр. Программа башында балаларга көн режимын үтәү, дөрес туклану, ял итү, зарарлы гадәтләргә каршы тора белү, спорт белән шөгыльләнү һәм организмны ныгытуның мөһимлеге турында сөйләделәр. Шулай ук балалар күңелле разминкада актив катнаштылар, аннары ике командага бүленеп, төрле эстафеталарда һәм конкурсларда ярыштылар. Уен программасында катнашучылар спорт, дару үсемлекләре турында табышмаклар чиштеләр һәм рәхәтләнеп уйнадылар.
Тимершык мәдәният йортында китапханә белән берлектә «Чернобыль фаҗигасе» истәлек сәгате узды.Алып баручы АЭСның барлыкка килү тарихы, авариянең сәбәпләре, фаҗига масштаблары, аварияне бетерүчеләрнең батырлыгы турында сөйләде. Чара «Чернобыль» видеофильмы белән үрелеп барды, анда экологик катастрофа нәтиҗәләре, радиацион зарарлануга каршы көрәш чаралары турында әйтелә. Очрашу ахырында барлык катнашучылар: Чернобыль һәм аның фаҗигасе чыннан да мәңгегә үткәндә калсын өчен, бер генә юл бар: моны һәрвакыт истә тотарга. дигән нәтиҗәгә килделәр.
Тимершык мәдәният йортында китапханә белән берлектә татар халкының бөек улы Габдулла Тукайның туган көненә багышланган "Тукай кайта безгә һәр язда" әдәби-музыкаль кичәсе узды. Китапханәче катнашучыларны бөек татар шагыйренең тормыш этаплары белән таныштырды, ул, авырлыкларга карамастан, искиткеч кеше булып кала алды һәм бик кыска вакыт эчендә, нибары 27 ел эчендә, үзе артыннан халыкка үзенең шигырьләре, әкиятләре, поэмалары һәм хикәяләре рәвешендә бөек мирас калдыра алды. Чарада катнашучылар Г.Тукай шигырьләрен укыдылар, җырлар башкардылар. Чара ахырында барысы бергә "Туган тел"җырын башкардылар.
30 нчы март көнне Тимершык мәдәният йортында, китапханә белән берлектә, язны каршы алу бәйрәме - "Нәүрүз" бәйрәме үткәрелде. Бәйрәм кунаклары кайнар чәй белән тәмле боткадан авыз иттеләр. Нәүрүзбикә авылдашларга үзенең якты теләкләрен җиткерде. Кыш бабай ураза аенда килеп тавышланып йөрмәде, Нәүрүзбикәгә үзенең биләмәләрен ышанып тапшырам дип ватсап аша хәбәр генә бирү белән чикләнде. Бәйрәм уеннар, концерт программасы белән аралашып барды. Олысы-кечесе уеннарда актив катнаштылар.Бәйрәмнән бар кеше күтәренке бәйрәм рухы белән таралышты.
8 мартта Тимершык мәдәният йортында Халыкара хатын-кызлар көне уңаеннан, Тимершык, Кызыл Мишә мәдәният йорты һәм китапханәсе, Куюк авыл клубы хезмәткәрләре тарафыннан Аяз Гыйләҗевнең "Шикәрем син, балым син"драмасы куелды.Тамашачылар спектакльне бик җылы кабул иттеләр.Артистларның чыгышы көчле алкышлар күмелде.
7 мартта Тимершык мәдәният йортында Ландыш Бахави һәм Илфак Агләмов төркемнәренең авыл хуҗалыгы хезмәткәрләре өчен "Саба" ҖЧҖ Мичан филиалы оештырган концерты булды. Сәхнәдә яз бәйрәменә багышланган җырлар һәм шигырьләр яңгырады. Һәр номер уникаль булып чыкты. Тамашачылар зур рәхәтлек белән көчле алкышлар белән алкышладылар һәм эчтәлекле концерт өчен рәхмәт белдерделәр.