ЯҢАЛЫКЛАР

 Лото-күңел ачу уены, вак кул моторикасын яхшыртырга ярдәм итә. Ә бу уенчыларның бармаклары вакыт узу белән җитезрәк, күндәмрәк булачак, хәрәкәтләр координациясе яхшырачак дигән сүз.

25 февраль көнне Лесхоз өлкәннәр һәм инвалидлар өчен интернат-йортында тәрбияче җитәкчелегендә социаль хезмәтләр алучылар белән берлектә уен терапиясе үткәрелде.

Патриотик тәрбия кысаларында «Тургай» приютында тәрбияләнүчеләр «Лесхоз картлар һәм инвалидлар интернат-йортында» булдылар, анда яшәүчеләрне Ватанны саклаучылар көне белән котладылар.

 Чара буыннар арасындагы элемтәләрне ныгытуга юнәлдерелгән иде. Тәрбияләнүчеләр бик матур концерт номерлары әзерләгәннәр.

 Балалар үз куллары белән ясалган бүләкләр әзерләделәр. Һәр открыткада-балалар җылысының бер кисәкчеге. Күрсәгез иде, бабайлар бу тыйнак бүләкләрне никадәр дулкынланып кабул иттеләр! Алар өчен бу , аларны хәтерләүләре, бәяләүләре һәм хөрмәт итүләре билгесе.

 Без картлар һәм инвалидлар интернат-йорты администрациясенә җылы кабул итүләре өчен рәхмәтебезне белдерәбез. Киткәндә, балалар кире кайтырга вәгъдә иттеләр, чөнки мондый очрашулар барыбызны да кешеләргә карата игелеклерәк булырга чакыра.  Иң мөһиме : яклаучы ул— кулына корал тоткан кеше генә түгел, бәлки күңелендә тынычлык һәм яхшылык саклаучы да.

   Приютта тәрбияләнүчеләр белән "Террорчылык - киләчәккә куркыныч"темасына түгәрәк өстәл уздырылды.Әлеге чара барышында тәрбияләнүчеләр террорчылык, экстремизм төшенчәләре турында  белемнәр тупладылар. Балалар террорчылыкның куркынычлыгы, аның җәмгыять һәм тулаем дөнья өчен нәтиҗәләре, шулай ук экстремизм таралуга китерә торган сәбәпләр турында фикер алыштылар. Киләчәккә мондый куркынычларны булдырмау өчен бердәмлек, үзара аңлашу һәм тату яшәүнең мөһимлегенә аерым игътибар бирелде. Диалогның мондый формасы тәрбияләнүчеләрдә гражданлык җаваплылыгы һәм җәмгыятьнең киләчәгенә аңлы мөнәсәбәт формалаштыруга ярдәм итә.

24 февраль көнне узган Ватанны саклаучылар көне уңаеннан социаль хезмәтләр алучылар алдында хәйрия концерт программасы белән   татар эстрадасы артисты Илшат Сафин чыгыш    ясады      шулай ук «Тургай» приюты балалары концерт номерлары күрсәттеләр һәм открыткалар бүләк иттеләр.      Социаль хезмәтләр алучылар рәхмәтләрен белдерделәр.

       Ватанны саклаучылар көне уңаеннан "Тургай" приютында " Ягез әле, егетләр!»дигән исем астында күңелле чара узды. Бәйрәм күңелле конкурслар, музыкаль номерлар һәм актив уеннар белән үрелеп барды. Уеннар  егетләргә үз көчләрен, җитезлекләрен һәм тапкырлыкларын күрсәтергә мөмкинлек бирде. Катнашучылар команда рухын һәм бер-берсенә ярдәм итә белүләрен күрсәтеп, төрле сынауларда көч сынаштылар. Бәйрәм рухын кызларның чыгышлары тулыландырып җибәрде. Чара Ватаныбызны саклаучылар арасында үзара ярдәм итүнең мөһимлеген ассызыклап, истәлекле бүләкләр тапшыру белән тәмамланды.

22 февральдә " Тургай «приютында  «Май чабу» бәйрәмен уздырдык! Бәйрәм бик күп кызыклы уеннар һәм сыйлар белән узды. Балалар күңел ачуларда рәхәтләнеп катнаштылар һәм бер-берсе белән шатландылар. Бигрәк тә балаларның үзләре коймак пешереп, кунакларны сыйлаулары күңелле мизгел булды. Атмосфера бик җылы һәм күңелле иде, ә катнашучыларның йөзләреннән елмаюлар китмэде . Бу озакка истә калырлык бик яхшы чара иде!

     Безнең балалар йортында кышны озату — «Масленица»га багышланган бәйрәм чарасы узды. Тәрбияләнүчеләр салкын кышны күңелле итеп озатып, күптән көтелгән язны каршы алыр өчен, бу көнне түземсезлек белән көттеләр.

Ел саен 23 февральдә билгеләп үтелә торган «Ватанны саклаучылар көне» Россиянең иң мөһим бәйрәмнәренең берсе.

20 февральдә, әлеге бәйрәм алдыннан, Лесхоз интернат-йортында социаль хезмәтләр алучылар белән берлектә открыткалар ясау буенча мастер-класс үткәрелде һәм интернатның ир-ат социаль хезмәтләрләр алучыларын бәйрәм белән котладылар.

19 февраль көнне Лесхоз интернат-йортында ,шәфкать туташы җитәкчелегендә, социаль хезмәт алучылар арасында Ватанны саклаучылар көненә багышланган "Бочче" уены үткәрелде. 

  Бу уенда катнашучылар парлап уйный. Уен кагыйдәләре гади: шарларны көндәшеңә  караганда «паллино»га (ак шарга) якынрак ыргытырга кирәк. Беренче карашка бу  уен җиңел кебек тоелса да, бу алай түгел. Ыргытуның җитезлеге һәм төгәллеге кирәк.

   Саба муниципаль районының «Балкыш» тернәкләндеру булегендә  шэфкать туташы массаж курслары үткәрә.