ЯҢАЛЫКЛАР

13 май көнне Лесхоз өлкәннәр һәм инвалидлар өчен интернат-йортында тәрбияче җитәкчелегендә интернатта яшәүчеләр белән берлектә уен терапиясе үткәрелде.

Лото-өлкән яшьтәге кешеләр өчен туры килә торган бик яхшы уен. Бу аралашу өчен җиңел һәм ирекле шартлар тудыруның гади ысулы гына түгел, ә хәтер һәм игътибарны, хәрәкәтләрне координацияләү күнекмәләрен һәм реакциясен файдалы күнектерү дә.

Уен концентрация һәм тиз фикерләүне таләп итә, бу баш миен күнектерүгә һәм когнитив функцияләрне яхшыртуга ярдәм итә.

Лото-акыл өчен күнегү генә түгел, ә шатлык һәм ләззәт чыганагы да. Җиңү һәм уенда катнашу уңай хис-кичерешләр уята һәм кәефне күтәрә.

Интернатта яшәүчеләр буш вакытларын һәрвакыт файдалы үткәрәләр.

Җиңү көнен бәйрәм итү хөрмәтенә Лесхоз интернат йортында барлык чаралар һәм эшләр Җиңү бәйрәме тематикасына багышлана!

Бүген 8 майда Лесхоз бистәсендә Җиңү көненә багышланган бәйрәм парады узды. Лесхоз картлар һәм инвалидлар интернат йорты коллективы һәм анда яшәүчеләре бәйрәмдә актив катнаштылар.

Бөек Җиңү көне алдыннан,6 май көнне, Лесхоз интернат-йортында тәрбияче җитәкчелегендә «Георгий тасмасы-хәрби дан символы» хәтер дәресе үткәрелде. Интернатта яшәүчеләр сугышчан дан символы – Георгий тасмасының  барлыкка килү тарихы һәм аның җәмгыятьтәге үткәндәге һәм хәзерге вакыттагы роле турында белделәр: ул һәрвакыт Ватаныбызны саклаучыларның батырлыгын гәүдәләндерде.

 30 апрель көнне Яз һәм Хезмәт бәйрәме кысаларында Лесхоз өлкәннәр һәм инвалидлар өчен интернат-йорты хезмәткәрләре һәм анда яшәүчеләре «Экологик десант» акциясендә катнаштылар.

Лесхоз өлкәннәр һәм инвалидлар йортында сәламәт яшәү рәвеше алып баруга зур игътибар бирелә. 29 апрель көнне шәфкать туташы җитәкчелегендә интернатта фитнес дәресе үткәрелде. Интернатта яшәүчеләр бу чараларда бик теләп шөгыльләнәләр. Спорт тренажерларында даими шөгыльләнү интернатта яшәүчеләрнең сәламәтлегенә уңай йогынты ясый, хәрәкәт координациясен яхшыртырга ярдәм итә, бу үз чиратында егылу куркынычын киметергә мөмкинлек бирә.

26 апрельдә Татарстан Республикасында Туган тел көне билгеләп үтелә, шулай ук бөек татар шагыйре Габдулла Тукайның тууына 140 ел тула. Шушы истәлекле даталар алдыннан Лесхоз интернат-йортында тәрбияче җитәкчелегендә татар шагыйре Габдулла Тукайның тууына 140 ел тулуга багышланган «Тукай - шигърият чишмәсе» дигән әдәби сәгать үткәрелде. Чара барышында интернатта яшәүчеләр бөек татар шагыйре, мәгърифәтче һәм публицистның биографиясе һәм иҗаты белән таныштылар. Аның балалар шигырьләренә, әкиятләренә һәм поэмаларына аерым игътибар бирелде, алар татар халкының һәм бөтен күпмилләтле Россиянең мәдәни мирасының аерылгысыз өлешенә әверелде. Һәм ахырда стена газетасы чыгарылды.

Лесхоз  өлкәннәр һәм  инвалидлар  өчен   интернат  йортында  17нче апрельдән   гимнастика кертелде. Ул эш көне дәвамында көнгә ике мәртәбә үткәрелә. Гимнастика эш вакытында арыганлыкны бетерү, һөнәри авыруларны профилактикалау һәм эшкә сәләтлелекне арттыру өчен башкарыла торган физик күнегүләр комплексы ул.  Гимнастика кан әйләнешен яхшыртырга, стрессны киметергә, энергияне арттырырга һәм гәүдә торышын яхшыртырга ярдәм итә, бу исә, эш нәтиҗәлелегенә турыдан-туры йогынты ясый.

22 апрель көнне Лесхоз интернат йортында шәфкать туташы мөмкинлекләре чикләнгән кешеләр өчен "Дон" күпфункцияле комплексы ярдәмендә интернатта яшәүчеләр арасында вак моториканы үстерү буенча кунегүләр үткәрде. Бу күнегүләр когнитив функцияләрне яхшырту һәм баш миенең яшь үзгәрешләрен акрынайту өчен файдалы, шулай ук алар координацияне ныгытырга, буыннарның хәрәкәтчәнлеген арттырырга ярдәм итә.

15 апрель көнне Лесхоз өлкәннәр һәм инвалидлар өчен интернат-йортында тәрбияче җитәкчелегендә интернатта яшәүчеләр белән язгы табигатькә экскурсия оештырылды.

Яз-елның матур вакыты, табигать кышкы йокыдан уяна һәм җанлана башлый. Бу чорда табигатьне якты һәм төсле итә торган бик күп үзгәрешләр була.

Яз шулай ук кешеләрнең кәефенә йогынты ясый. Озын һәм салкын кыштан соң, көннәр кыска һәм караңгы булганда, кояшлы һәм җылы көннәр вакыты килә. Бу кәефне күтәрә  шатлык һәм күңел ачу хисе уята. Кешеләр активрак һәм энергиялерәк була бара, яңа маҗараларга һәм мөмкинлекләргә әзер.