ЯҢАЛЫКЛАР

29 декабрь көнне Лесхоз картлар һәм инвалидлар өчен интернат-йортында Яңа ел әкияти тамашасы булып узды. Яңа ел бәйрәме алдыннан тамашаның куелышы матур традициягә әйләнде, шуңа күрә биредә яшәүчеләр дә, учреждение хезмәткәрләре дә әлеге чараны түземсезлек белән көттеләр. Тамашачылар һәм катнашучылар-интернат-йортта яшәүчеләр.

Театральләштерелгән тамашада барлык рольләрне дә актер-һәвәскәрләр уйнады, бу артистлар үзебезнең хезмәткәрләр һәм яшәүче әби-бабайлар.. Ә сценарий һәр репетициягә тулыланды, чөнки һәр актер үз ролен якты һәм онытылмаслык итәргә теләгән иде. Соңыннан Яңа ел лотереясы үткәрелде.

Ел саен традиция буенча яңа елга территорияне бизәү буенча эш алып барыла. Киләсе 2025 елда Яшел Елан елы башлана. Лесхоз интернат-йорты коллективы Яңа ел бизәлеше эшендә бик теләп катнашты. Кар фигуралары ясадылар, янып торган фигуралар урнаштырдылар. Интернат-йорт территориясендә Яңа ел сизелә!

25 декабрьдә Лесхоз интернат-йортында тәрбияче җитәкчелегендә «Кешелекнең иң танылган уйлап табулары» дигән темага мәгълүмати дәрес үткәрелде. Социаль хезмәтләр алучылар Россиянең талантларга бай булуын белделәр, нәкъ менә Россия бөтен дөньяга бөек галимнәр биргән, аларның ачышларыннан башка без бүгенге тормышны күз алдына да китерә алмыйбыз, нәкъ менә безнең ил — уйлап табучыларның Ватаны, алар Россия прогрессына гына түгел, ә бөтендөнья алгарышына да зур өлеш керттеләр.

Күп кенә уйлап табулар безгә эшне тизрәк һәм җиңелрәк башкарырга ярдәм итә, безнең куркынычсызлыкка хезмәт итә, безгә элек булдыра алмаганны эшләргә мөмкинлек бирә.

18 декабрьдә Лесхоз өлкәннәр һәм инвалидлар өчен интернат-йортында тәрбияче җитәкчелегендә хезмәт терапиясе үткәрелде. Социаль хезмәтләр алучылар кәгазьдән күләмле кар бөртекләре ясадылар.

 13 декабрь көнне инвалидлар декадасы кысаларында  Лесхоз интернат-йортының социаль хезмәтләр алучылары алдында «Березняк авылы Х. В. Ваһапов исемендәге төп гомуми белем бирү мәктәбе» укучылары һәм укытучылары концерт программасы белән чыгыш ясадылар.

11 декабрьдә Лесхоз интернат   йортында шәфкать туташы җитәкчелегендә социаль хезмәт алучылар белән «ВИЧ профилактикасы " темасына лекция үткәрелде.

 Максатлары: социаль хезмәтләр алучыларны барлыкка килү тарихы, симптомнары һәм диагностикасы белән таныштыру.

           Бүген инвалидлар декадасы кысаларында Олы Кибәче мәктәбе укучылары һәм укытучылары Лесхоз интернат-йортына бик матур концерт программасы белән килделәр.

6 декабрь көнне инвалидлар декадасы кысаларында Лесхоз өлкәннәр һәм инвалидлар өчен  интернат – йортының социаль хезмәтләр алучылары Саба урман хуҗалыгы тарихы музеенда булдылар. Безнең интернат карамагындагылар «Тормыш шатлыгы» дигән мастер-класста катнаштылар.

 4 декабрь көнне инвалидлар декадасы кысаларында Лесхоз мәдәният йорты хезмәткәрләре  Лесхоз интернат-йортының социаль хезмәтләр алучылары белән берлектә викторина үткәрделәр.

3 декабрь-махсус көн, бу көнне бөтен дөньяда Халыкара инвалидлар көне билгеләп үтелә. Бу дата барыбызга да безнең янәшәдә ярдәмгә,  кайгыртучанлыкка мохтаҗ кешеләр яшәвен искә төшерә. "Шәфкатьле булыйк, игелекле булыйк һәм түземле булыйк!"

Лесхоз интернат–йортында да кышның беренче көнендә Халыкара инвалидлар көненә багышланган чаралар декадасы старт алды.

3 декабрь көнне социаль хезмәтләр алучылар алдында концерт программасы белән   Лесхоз мәдәният йорты хезмәткәрләре чыгыш ясады.