ЯҢАЛЫКЛАР
15 февраль-Әфганстаннан гаскәрләрне чыгару көне
2026 елның 15 февралендә совет татар шагыйре һәм журналисты, хәрби хәбәрче Муса Мостафа улы Җәлилнең тууына 120 ел тула.
Татар шагыйре Муса Җәлилнең тууына 120 ел
Саба район үзәк китапханәсендә шагыйрә, журналист Илсөяр Иксановага 60 яшь тулу уңаеннан, “Өлкәннәр” клуб берләшмәсе белән “Җанымның әрнегән чагы” дип исемләнгән әдәби сәгать үткәрелде. Кичә барышында китапханәчеләр Илсөяр Иксанованың бай иҗат юлы, аның журналистикадагы эшчәнлеге һәм татар әдәбиятында тоткан урыны турында тәфсилләп сөйләделәр, шигырьләрен укыдылар. Шагыйрәнең иҗаты — ул хатын-кыз җанының иң нечкә кылларын тибрәтүче, тормышның ачысын-төчесен аңларга ярдәм итүче тирән фәлсәфә икәнлеге басым ясап әйтелде.
Катнашучылар да Илсөяр Иксанова иҗатының үзләренә ни өчен якын булуы белән уртаклаштылар, аның әсәрләрендәге чынбарлыкны, ихласлыкны һәм туган җиргә булган чиксез мәхәббәтне билгеләп үттеләр.
Әдәби сәгать бик җылы, дустанә мохиттә узды.
Татарстан Республикасы Рәисе Рөстәм Миңнехановның татар шагыйре, Советлар Союзы Герое Муса Җәлилнең тууына 120 ел тулу уңаеннан мөрәҗәгате.
Ватаннан читтә хезмәт бурычын үтәгән россиялеләрне искә алу көне уңаеннан Татарстан Республикасы Премьер-министрының беренче урынбасары Рөстәм Нигъмәтуллин мөрәҗәгате.
13 февральдә Чистай муниципаль районы территориясендә «Буран»оператив планы гамәлгә кертелде.
15 февраль – Әфганстаннан совет гаскәрләрен чыгарган көн һәм Советлар Союзы Герое, татар шагыйре Муса Җәлилнең туган көне. Шул уңайдан 14 февральдә Югары Шытсу мәдәният йорты хезмәткәрләре китапханәче белән берлектә “Сынауларга түзә кеше” дигән тематик әңгәмә үткәрделәр. Әңгәмә барышында балалар Әфганстанга совет гаскәрләрен кертү сәбәпләре, солдатларның батырлыклары турында белделәр. Шулай ук катнашучылар М.Җәлил тормышыннан кызыклы фактлар, иҗаты, автобиографик шигырьләр җыентыгы “Моабит дәфтәрләре” турында исләренә төшерделәр. Чара шагыйрьнең шигырьләрен уку белән тәмамланды.
14 февраль көнне Язлы Арташ авыл клубында Олы Нырты мәдәният йорты, китапханә һәм Чабья-Чурча авыл клубы белән берлектә " Әфганстан: бурыч. Хөрмәт. Истәлек» дип аталган хәтер сәате узды.
Язлы-Арташ авыл мәдәният йорты мөдире сугышчы-интернационалист Ф. Шәйдуллин турында сөйләде, сугышчыга багышланган күргәзмә экспонатлары белән таныштырды. Аның апасы Д.Гайнуллина энесе турындагы истәлекләре белән уртаклашты. Лесхоз урта мәктәбе яшь армиячеләре, авыл халкы һәм башкалар интернациональ бурычларын үтәгәндә Ф.Шәйдуллинны, һәлак булган барлык сугышчыларны бер минут тынлык белән искә алдылар.
Чара әфган сугышчысы Ф.Шәйдуллин каберенә чәчәкләр салу белән тәмамланды, кабер өстенә дога укылды.