ЯҢАЛЫКЛАР
5 нче февраль көнне Курсабаш авыл җирлеге гражданнары җыены булып узды. Җыен Курсабаш авылы мәдәният йортында үткәрелде. Мәдәният йортына килә алмаган кешеләр җыенда «ZOOM» программасы аша, дистанцион рәвештә катнаша алдылар. Җыенда Саба муниципаль районы башлыгы урынбасары Р.Р. Закирҗанов, хокук саклау органнары вәкилләре, оешма-предприятия җитәкчеләре һәм вәкилләре катнашты. Җыелыш башында АҖ «Татмедиа» һәм АҖ «Саба дулкыннары» әзерләгән видеоматериаллар каралды. Участок инспекторы А.Ф. Зарипов, 2025 нче елда авыл җирлегендә булган хокук бозулар һәм хокук бозуларны кисәтү буенча эшчәнлек белән таныштырды һәм җирлек халкына телефон мошенникларыннан саклану кагыйдәләрен аңлатып үтте. Шулай ук җыенда авыл җирлегендә урнашкан бюджет оешмалары җитәкчеләре 2025 нче башкарган эшчәнлек буенча хисап тотылар һәм 2026 нче елга булган планнары белән уртаклаштылар. Курсабаш авыл җирлеге башлыгы А. Р. Гыймадиев халык каршында 2025 нче елда авыл җирлегендә башкарылган эшләр буенча хисап тотты һәм 2026 нче елда эшләнергә тиешле эшләргә тукталып, бурычларны да билгеләп үтте. Җыенны йомгаклап Саба муниципаль районы башлыгы урынбасары Р.Р. Закирҗанов авыл җирлегендә яшәүче халкка мөрәҗәгать итеп, авыл җирлеге һәм гомүмән районда башкарырга тиешле эшләргә тукталды һәм нинди юнәлештә хәрәкәт итәргә кирәк дигән фикерләре белән уртаклашты.
2026 ел Татарстан Республикасында “Хәрби батырлык һәм хезмәт фидакарьлеге елы” дип игълан ителде
Гөлнур Миннебаева
Әлеге әһәмиятле елны районыбызда Арча район Мәдәният йорты каршында эшләп килүче “Әллүки” балалар театр студиясе мәгънәле һәм тирән эчтәлекле тамаша белән ачып җибәрде.
Яшь артистлар тамашачыларга атаклы татар драматургы Туфан Миңнуллин әсәренә нигезләнеп куелган “Иптәш командир” спектаклен тәкъдим иттеләр. Сәхнәдә батырлык, намус, җаваплылык, хезмәткә тугрылык кебек мәңгелек кыйммәтләр күтәрелде.
Батырлыкка һәм хезмәткә хөрмәтнең нәкъ менә кечкенәдән салынуы һәркемгә мәгълүм, шуңа күрә мондый әсәрләрнең балалар тарафыннан сәхнәләштерелүе аеруча әһәмиятле булды.
“Әллүки” балалар театр студиясе эшчәнлеген бер ел элек кенә башласа да, аларның инде горурланырлык җиңүләре, сок-ланырлык хезмәтләре аз түгел. Студиянең җитәкчесе Ләйлә Мөхәммәтгалиева яшь буында туган телгә мәхәббәт, театр сәнгатенә кызыксыну, милли һәм әхлакый кыйммәтләргә хөрмәт тәрбияләүгә зур көч куя. Аның тырышлыгы, сабырлыгы һәм иҗади карашы нәтиҗәсендә студиядә шөгыльләнүче балалар сәхнә серләренә төшенә.
Арча үзәк китапханәсендә яңа төр эш башлангыч алып килә – балалар китап театры студиясе эшчәнлеген башлый.
30 гыйнвар көнне район балалар китапханәсендә “Китап – сәхнә: “Апушның тылсымлы төшләре” библиоперфомансы” проекты кысаларында, балалар китап театры студиясенә кастинг узды.
Район балалар китапханәсе китапханәчесе, әлеге эшкә нигез салучы Гөлназ Байкова белән әңгәмәбез шул хакта.
Казан районара табигатьне саклау прокуратурасы табигатьне саклау законнарының үтәлешен тикшерде
Дәүләт хезмәтләренә (Госуслуги) бирелгән гаризаның статусын хәзер күпкә тизрәк белергә мөмкин. Иң популяр хезмәтләрне күрсәтү барышы турында белдерүләр порталның шәхси кабинетына гына түгел, ә МАХ мессенджерындагы дәүләт хезмәтләре ботына да килә. Ул зәңгәр галочка белән белдерелгән.
Казан районара табигатьне саклау прокуратурасы табигатьне саклау законнарының үтәлешен тикшерде
5 февральдә Питрәч районының «Шатлык» балалар һәм яшүсмерләр социаль приютында тәрбияләнүчеләр Казан ветеринария медицинасы академиясендә булдылар. Югары уку йорты укытучылары балалар өчен төрле кафедралар буйлап мавыктыргыч сәяхәт уздырды.
Роза Вәгыйз кызы Шәйхетдинова 1941 елның 9 февралендә матур табигатьле Чөмә-Елга авылында туган. Сугыш чоры баласы
Румия Надршина
Әтисе белән әнисе өйләнешеп, нибары ел ярым гына бергә яшәп калганнар. Әтисе сугышка киткәндә нибары алты айлык бала булып калган. Әтисе сугыштан кайтмый...
«Товар агымнары аналитикасы " АИС цифрлы инструментын эшләтеп җибәрү