ЯҢАЛЫКЛАР

Шушы көннәрдә Россия Федерациясе АПК хезмәткәрләре һөнәр берлеге әгъзалары Ифтарга җыелдылар. Болар - Әфганстан һәм Чечня сугышын узган кешеләр, хәзер махсус хәрби операциядә (СВОда) катнашучыларның гаиләләре, шулай ук сугышчыларга ярдәм итүче волонтерлар иде.

Продукциянең табигый һәм экологик булуы - Россия АПКсының дөнья базарында төп өстенлеге

Игътибарыгызны мөһим дәүләт инициативасына юнәлтәсебез килә.

14 март Башчы авыл клубында «Пушкин картасы» Федераль проекты кысаларында «Галәмәтләр, ышанулар: бу нәрсә аңлата» дигән танып белү сәгате үткәрелде.

2026 елның 14 мартында Октябрьский шәһәрендә «Devon Cup» футбол турниры узды, анда «Олимп» спорт мәктәбендә тәрбияләнүчеләр бик яхшы уен һәм югары әзерлек дәрәҗәсен күрсәттеләр.

15 март Монастырск авыл мәдәният йорты директоры юл хәрәкәте иминлеген кисәтү кысаларында балалар өчен «Юл билгеләре иленә сәяхәт» дигән танып-белү әңгәмәсе үткәрде.

13 март Олы Тархан авылы мәдәният йортында Татарстан Республикасында хәрби һәм хезмәт батырлыгы елы кысаларында «Чәчәкле Россия: күптөрлелек гармониясе» дигән концерт программасы булып узды.

Казанда “Россия – минем тарихым” мультимедиа тарихи паркында “Россия дәүләтенең суверенитетын яклау. Тарих һәм хәзерге заман” дип аталган тарихи-хокукый күргәзмә ачылды. Ачылыш тантанасында Татарстан Республикасы юстиция министры Рөстәм Заһидуллин да катнашты.

Электрон пенсия таныклыгы - традицион пластик таныклыкның, белешмә яки пенсия кенәгәсенең заманча цифрлы аналогы ул. Яңа формат пенсионерларга пенсия билгеләнгәнлекне  кәгазь документлар күрсәтеп тормыйча гына электрон рәвештә расларга  мөмкинлек бирә.

         Электрон таныклыкта аның хуҗасы турында төп мәгълүмат: фамилиясе, исеме, атасының исеме, шәхси исәп номеры, пенсия төре, аның билгеләнү срогы һәм пенсионерның фотосурәте бар. Барлык мәгълүматлар Россия социаль фондының саклаулы  мәгълүмат системасында саклана.

          Документны "Дәүләт хезмәтләре" порталында һәм мобиль кушымтада шәхси кабинетта алырга мөмкин. Кулланучыларга уңайлы булсын өчен таныклыкка автомат рәвештә социаль фонд мәгълүматлары нигезендә формалаша торган уникаль QR-код кушылган.

          QR-код аның хуҗасы турындагы мәгълүматның дөреслеген тиз арада расларга мөмкинлек бирә. Һәр код уникаль һәм ялганнан сакланган, бу шәхси мәгълүматларның өстәмә куркынычсызлыгын тәэмин итә. QR-кодның гамәлдә булу вакыты чикләнгән, шуңа күрә аны вакыт-вакыт яңартып торырга кирәк.

           Россия Социаль фондының Татарстан Республикасы буенча бүлеге идарәчесе Эдуард Вафин сүзләренчә, цифрлы форматны кертү гражданнарның дәүләт структуралары белән үзара хезмәттәшлегенең уңайлылыгын һәм куркынычсызлыгын арттыра:

           "Электрон пенсия таныклыгы - кәгазь документны электрон вариантка алмаштыру гына түгел, ә сервисның яңа дәрәҗәсе ул. Ул гражданнарга һәрвакыт  үз статусын раслау мөмкинлеге бирә һәм хезмәт күрсәтүләргә һәм социаль ярдәм чараларына керүне гадиләштерә. Цифрлы формат мәгълүматны ышанычлы яклауны тәэмин итә һәм кулланучылар өчен хезмәтләрдән  максималь уңайлы файдаланырга мөмкинлек бирә ".

            Электрон пенсия таныклыгын кулланышка кертү дәүләт хезмәтләреннән файдалануны гадиләштерүгә, үтә күренмәлелекне арттыруга һәм кәгазьсез документлар әйләнешен үстерүгә юнәлдерелгән.

            Социаль ярдәм, түләүләр һәм хезмәт күрсәтү чаралары турында тулы һәм дөрес мәгълүматны Россия Социаль фондының Татарстан Республикасы буенча бүлеге сайтында һәм социаль челтәрләрдәге ВКонтакте, Одноклассники һәм Телеграм рәсми аккаунтларда табарга була.

            Өстәмә мәгълүмат яки консультация алу өчен гражданнар  8 800 100 0001 телефоны буенча бердәм контакт-үзәк операторларына мөрәҗәгать итә ала (төбәк линиясе тәүлек буе эшли - 24/7, шалтырату бушлай).