ЯҢАЛЫКЛАР
РФ Төзелеш Министрлыгы гадәттән тыш хәлләр һәм террорчылык актлары нәтиҗәсендә зыян күргән торак биналарны капиталь ремонтлау бәясенең яңа нормативын раслады.
"Республика мөлкәт казнасы" ДБУ муниципалитетлардагы коллегалары белән бергәләп мөлкәтнең онлайн-витринасын актив үстерә, Татарстан Республикасы гражданнары өчен дәүләт активлары турындагы мәгълүматның һәркем өчен ачыклыгын арттыра
Бүген Лениногорск районының «Исток-Башлангыч» социаль хезмәт күрсәтү комплекслы үзәгенең социаль эш буенча белгече Светлана Фазлыева социаль хезмәтләр алучы балигъ булмаган балалар өчен дәрес үткәрде. Чара «Без террорга каршы» акциясе кысаларында узды.
Бөтендөнья кулланучылар хокукларын яклау көне алдыннан җирле мәдәният йортында Дәүләт алкоголь инспекциясенең Әлмәт территориаль органы һәм Лениногорск районы башкарма комитеты белгечләре тарафыннан оештырылган очрашу булды. Кунакларга продуктларны сайлаганда саклык чаралары һәм мобиль кушымталар кулланып контрафактны ачыклау ысуллары турында сөйләделәр. Онлайн-сатып алулар кагыйдәләренә аерым игътибар бирделәр.
11 март көнне Шәмәрдән мәдәният йортында сәламәтлеге чикле булган балалар өчен «Веселый пластилин» мастер-классы үткәрелде. Мастер-класс сәламәтлек мөмкинлекләре чикләнгән балаларда вак моториканы үстерүгә, хәрәкәтне координацияләүгә һәм утыручанлыкка юнәлтелде. Алар ачык төсләр һәм йомшак формалар дөньясына чумдылар. Пластилин белән эшләү-мавыктыргыч шөгыль кенә түгел, ә үз хисләреңне белдерүнең бик яхшы ысулы да. Белгеч җитәкчелегендә катнашучылар язгы чәчәкләр, хайваннар, бизәнү әйберләре, әкият геройлары ясадылар. Осталар кулындагы пластилинның һәр төере уникаль фигурага әверелә. Мондый очрашуларда иң мөһиме — нәтиҗә генә түгел, процесс та: тере аралашу, ярдәм һәм мин моны үзем эшли алам!. Йөзләрдәге елмаюлар оештыручылар өчен иң яхшы бүләк булды. Мондый дәресләр балаларга үз көчләренә ышаныч һәм җылылык бирер дип ышанабыз. Очрашу азагында һәр катнашучы үзенең эшләнмәсен кечкенә җиңү һәм зур иҗат символы буларак өенә алып кайтты.
Иске Чүпрәле авылының «Чүпрәле» паркында Халыкара хатын-кызлар көненә һәм кышны озатуга багышланган бәйрәм чаралары узды. Җирле иҗат коллективлары катнашында концерт программасы оештырылды. Балалар рәхәтләнеп әйлән-бәйлән уйнадылар, аркан тартыштылар, күңелле эстафеталарда катнаштылар
2026 елның 13 мартында ТР Дәүләт алкоголь инспекциясенең Казан территориаль органы 13 сәгатьтән 16 сәгатькә кадәр Кайнар линия үткәрә. Халык товарларны имин сатып алу һәм кулланучылар хокуклары буенча сораулар бирә алачак. Телефон: 8(843)277-94-96.
Чара Бөтендөнья кулланучылар хокукларын яклау көненә багышланган.
Быел яз сулы булыр дип көтелә: кар күп яуганлыктан, аның эрүе аркасында кайбер территорияләр – бигрәк тә үзәнлекләрдәге шәхси йортлар– куркыныч зонасына эләгергә мөмкин. Су басу нәтиҗәләрен киметү һәм бәхетсезлек очракларын булдырмау өчен алдан ук куркынычсызлык чараларын күрү мөһим.
Электрон пенсия таныклыгы-традицион пластик таныклыкның, белешмәнең яисә пенсия кенәгәсенең заманча цифрлы аналогы. Яңа формат пенсионерларга кәгазь документларны күрсәтмичә генә пенсия билгеләнешен электрон рәвештә расларга мөмкинлек бирә.
11 март көнне Шәмәрдән мәдәният йорты хезмәткәрләре Шәмәрдән мәдәният йорты каршында эшләп килүче «Тулган ай» фольклор коллективы белән берлектә «Балкыш» социаль-тернәкләндерү үзәгендә ял итүчеләр өчен 8 Март Халыкара хатын-кызлар көненә багышланган «Чаба, чабагомер аты...» концерты оештырдылар. Концерт «Шәмәрдән» җыры белән башланып китте. Концерт программасы бай һәм күптөрле иде. Концертта катнашучылар башкаруында традицион халык җырлары да, гармунга көйләнгән җырлар да, барысының да күңеленә хуш килгән заманча композицияләр дә яңгырады. Тамашачылар таныш көйләргә рәхәтләнеп җырладылар һәм башкаручыларга алкышлар белән ярдәм иттеләр. Тамашачылар барлык катнашучыларга да ярдәмнәре һәм актив катнашулары өчен рәхмәт белдерделәр.