ЯҢАЛЫКЛАР
Әти-әниләр комитетлары арасында ел саен үткәрелүче «Тату сыйныф серләре» Республика конкурсының район күләмендә зона турлары башланып китте. Укучылар һәм әти-әниләр тамашачыларны иҗади, креатив, Халыклар бердәмлеге, Хәрби дан һәм хезмәт батырлыгы елын яктырткан чыгышлар белән куандыра.
Казан федераль университетының фәнни-йомгаклау конференциясендә «Интеллект. Тел. Компьютер» дип аталган секция узды. Чарада татар телен саклау һәм үстерү өчен заманча AI-чишелешләре, зур тел модельләрен өйрәтү һәм машина тәрҗемәсе мәсьәләләре каралды.
Данаурово авыл җирлегендә чираттагы җәмәгать җыены булды, анда халык, хакимият һәм күзәтчелек органнары вәкилләре җыелды.
Алабуга халкына коррупция мәсьәләләре буенча сораштыру узарга тәкъдим итәләр. Анкетаны үтү аноним.
Исегезгә төшерәбез, газ җиһазларын елга кимендә 1 мәртәбә тикшерергә тиешләр. Тикшерүләр графигын “Газпром трансгаз Казан” ҖЧҖ сайтыннан белергә була. Йортыгызны тикшерү графигын тапмасагыз, безгә Татарстанның Торак инспекциясенә хәбәр итегез. Бу хокук бозу, хезмәт күрсәтүче оешма графиклар урнаштырырга тиеш.
«ТИ-спорт»версиясе буенча Татарстан Спортрейтингының җиденче этабы нәтиҗәләре бастырылды. Редакция 2025 елның июленнән 2026 елның июненә кадәр-иң яхшы спортчыны һәм команданы билгели.
Бүген «Татарстан Республикасы Армиягә, авиациягә һәм флотка ярдәм итү ирекле җәмгыяте (ДОСААФ)» төбәк иҗтимагый-дәүләт берләшмәсе идарәсе рәисе урынбасары Ибраһимов Җәүдәт Хәмзин улы эш визиты белән Сарман муниципаль районында булды. Сарман муниципаль районы Башлыгы Фәрит Мөнәвир улы Хөснуллин белән очрашуда районда ДОСААФ структур бүлекчәләре арасында чаңгы ярышлары буенча республика ярышларын уздыру мәсьәләләре турында фикер алыштылар.
Лениногорск районының «Исток - Башлангыч» халыкка социаль хезмәт күрсәтү комплекслы үзәгендә «Гаилә»илкүләм проектын гамәлгә ашыру кысаларында актив эш дәвам итте. Социаль хезмәтләр алучылар өчен «Гаилә кыйммәтләре, бердәмлектә көч»дип исемләнгән эстафета үткәрелде.
Татарстан Республикасы Саба муниципаль районы Шәмәрдән лицее «Үсеш» укучылары «Кар десанты» акциясендә актив катнаштылар.
Балалар авылыбызның өлкәннәренә ярдәм иттеләр, ишегалды территорияләрен кардан чистартырга булыштылар. Бу чын Тимур хәрәкәтенең искиткеч үрнәге.
Әлеге инициатива барыбызны да бер-беребезгә ярдәм итәргә һәм тирә-юньдәге кешеләр турында кайгыртырга рухландырды. Бергәләп без дөньяны яхшырак һәм матурырак итә алабыз!
Безнең укучыларыбыз игелекле һәм булдыклы булуларын тагын бер кат исбат иттеләр!
4 февраль көнне Лесхоз интернат-йортында социаль хезмәтләр алучылар белән берлектә фитнес буенча төркемле шөгыль үткәрелде.