ЯҢАЛЫКЛАР

Байлар Сабасы шәһәр тибындагы бистәсендә Тукай, Мәктәп, З.Йосыпов урамнарында чокырлар ремонтлана. "МДСУ - 1"ҖЧҖ подряд оешмасы.

Тимершык авыл җирлеге буенча ремонт, төзекләндерү эшләре башкарылып тора. Тимершык авыл җирлегендә урнашкан уен майданчыкларында ремонт эшләре булып узды .

Курсабаш  авыл җирлегендәге балалар мәйданчыгында ремонт эшләре башкарылып, коймалар һәм уен снарядлары буялды.

Курсабаш  авыл җирлегендәге һәйкәлдә ремонт эшләре башкарылып, коймалары буялды

Байлар Сабасында "Авыл территорияләрен комплекслы үстерү"дәүләт программасы буенча йортлар төзелә башлады. Бүгенге көндә биш йортта нигез салу эшләре башланды. 2025 елда районда әлеге программа буенча белгечләр өчен 59 йорт төзү планлаштырыла.

Мичән авыл җирлеге биләмәсендә, ПМК “Мелиорация” оешмасы тарафыннан,укытучы гаиләсенә арендалау өчен торак йорт төзелеше эше дәвам итә. Бүгенге көндә бүлмәләр бүленә, юыну бүлмәләрнең идәннәренә плитка ябыштырыла, шулай ук әзер бүлмәләрдә штукатур эшләре башкарыла. Торак йорт верандасының түбәсе ябылды.

Мичән авыл җирлеге, Яңа Мичән авыл мәдәният йортында ПМК-159 тарафыннан ремонт эшләре дәвам итә. Мәдәният йортына керү өлешен каркас корылды, түбәсен калай белән яптылар. Бина эченең зал ягында утлар куялар, штукатур эшләрен башкаралар.

Мишә авыл җирлегендә Җиңүнең 80 еллыгына багышланган Бөек Ватан сугышы һәйкәленә капиталь ремонт эшләре башланды.

Саба районың  авыл җирлекләрендә  яшь белгечләрне тораклы итү һәм авыл җиренә  квалификацияле белгечләр тарту максатыннан Республика күләм “Яшь белгечләргә аренда торагы” программасы кысаларында йортлар төзелеше дәвам итә. Юлбат авылында  бюджетта эшләүче белгеч өчен чираттагы йорт төзелеше дәвам итә.

Объектта түбә ябу эшләре, эчке бизәү, вентиляция тартмаларын гипсокортоннан тышлау башланды. Идәнне брекчадан ясау, шулай ук электромонтаж эшләре дә бара. Ремонт эшләрен "РемонтСтройСервис"ҖЧҖ подряд оешмасы башкара.