ЯҢАЛЫКЛАР
Ватанны саклаучылар елына багышланган чаралар кысаларында Кече Шыңар мәдәният йортында китапханәче белән бергә махсус хәрби операциядә катнашучы Рабгутдинов Рәмис белән очрашу узды. Рәмис туган җирләренә сугыш хәрәкәтләре зонасыннан кыска вакытлы ялга кайткан. Егетләр белән очрашуда ул солдат хезмәте, үзенең хәрби бурычлары турында сөйләде, хәзерге заман хәрбие физик яктан әзер булырга гына түгел, ә тирән белемгә ия булырга, катлаулы ситуацияләрдә карарларны тиз кабул итә белергә, үз-үзен даими үстерүгә һәм укытуга әзер булырга тиеш дип ассызыклады. Рәмис шулай ук махсус операциядә катнашучы солдатлар өчен туганнарының һәм бөтен җәмгыятьнең мораль ярдәме бик мөһим булуын билгеләп үтте, балаларга ихлас хатлары һәм открыткалары өчен рәхмәт белдерде. Очрашу кысаларында укучылар сугыш көннәре, солдатларыбызның кораллануы, алгы сызыкта яшәүнең көнкүреш шартлары, очрашырга туры килгән кыенлыклар турында сораулар бирделәр. Әңгәмә ахырында хезмәткәрләр һәм балалар сугышчыга нык сәламәтлек, имин хезмәт һәм тизрәк өйгә кайтуын теләделәр.
22 февраль көнне, «Яшьлек» яшьләр үзәге, яшьләр эшләре һәм спорт бүлеге белән берлектә алкалы хоккей буенча район чемпионаты финалын оештырды.
2026 елның гыйнварыннан Татарстан Республикасының Сатып алулар буенча Дәүләт комитеты Бердәм мәгълүмат системасында Дәүләт ихтыяҗлары өчен сатып алулар уздыру турында 59 хәбәрнамә бастырды. Контрактларның гомуми суммасы 428 млн сумнан артып китте. Бу хакта бүген ведомствода атналык киңәшмәдә хәбәр иттеләр.
Тәтеш районы Башлыгы Рәмис Сафиуллов гражданнарны кабул итте
Бүген лотереянең туган көне билгеләп үтелә. Нәкъ 460 ел элек, 1466 елның 24 февралендә Брюгге шәһәрендә танылган Нидерланд рәссамы Ян Ван Эйканың тол хатыны ире истәлегенә лотерея билетлары сатуны оештыра һәм кергән акчаның төп өлешен ярлыларга ярдәмгә юнәлтә. Шуннан бирле лотерея бөтен дөньяда киң таралган. Россия почтасы Татарстанда яшәүчеләрнең узган ел почта бүлекчәләрендә сатып алган лотерея билетлары буенча күпме акча отулары турында сөйләде.
2025 елның 1 сентябреннән көндезге бүлектә укучы студентлар өчен йөклелек һәм бала табу буенча пособие билгеләүнең яңа федераль тәртибе үз көченә керде. Узган елда 100 студент әлеге пособиене ала алган инде. 2026 ел башыннан пособие билгеләү турында 20 карар кабул ителде, 41 гариза карау стадиясендә. Студентлардан мөрәҗәгатьләр кабул итү һәм эшкәртү эшчәнлеге дәвам итә.
Бүген күптән көтелгән вакыйга – торак яки индивидуаль торак төзелеше өчен социаль түләү алу хокукын бирә торган таныклыкларны тапшыру тантанасы булды
Бүген Татарстан Рәисе Рөстәм Миңнеханов һәм Абхазия Республикасы Президенты Бадра Гунба Сухумда Диоскуров яр буен карадылар.
Яр буенда торгызу эшләре дәвам итә, шул исәптән өслекне чистарту һәм реконструкциягә әзерләнү бара.
Бүген «Яшел ут 2026» конкурсының беренче этабы узды. Анда, бакчабызның данын яклап, тәрбияче Кәлимуллина Ф.Р. катнашты. Ул икенче кечкенәләр төркемендә юл хәрәкәте кагыйдәләренә багышланган ачык шөгыль күрсәтте. Балалар «светофор» һәм «җәяүле» төшенчәләре турындагы белемнәрен актуальләштереп, фикер алышуга актив кушылдылар. Алар бергәләп транспорт төрләрен искә төшерделәр, юл йөрү кагыйдәләрен үтәүнең мөһимлеген ассызыкладылар. Аннары балалар светофор сигналының төсләрен аера белүгә юнәлдерелгән “светофор җый» дигән дидактик уен уйнадылар. Шөгыль ахырында тәрбияләнүчеләр башкаруында «Тыңлаусыз куян тарихы» дигән театральләштерелгән әкият күрсәтелде. Балаларны шулай актив рәвештә укыту процессына җәлеп итү һәр яшь юл хәрәкәтендә катнашучыга кирәкле тотрыклы белем һәм файдалы гадәтләр формалаштыруга ярдәм итә.
24 февраль көнне узган Ватанны саклаучылар көне уңаеннан социаль хезмәтләр алучылар алдында хәйрия концерт программасы белән татар эстрадасы артисты Илшат Сафин чыгыш ясады шулай ук «Тургай» приюты балалары концерт номерлары күрсәттеләр һәм открыткалар бүләк иттеләр. Социаль хезмәтләр алучылар рәхмәтләрен белдерделәр.